|

МОНОС-ын хоосон савалгаатай эм

Манай сайтын редакцад нэгэн ээж Монос эм худалдаалах газартай холбоотой гомдлыг ирүүллээ. Тэр ээжийн хүсэлтээр болсон явдлыг сийрүүлэн хүргэе.

 

 Ойрын өдрүүдэд хүүхэд төдийгүй том хүний гэдэс эвгүйрхэх тохиолдол элбэг болж байна. Манай сайтад хандсан бүсгүйн хүүхдийн гэдэс ямар ч зовиургүй хэрнээ нилээд хэдэн өдөр шингэн алдаж эхэлсэн аж. Тийм учраас өрхийнхөө эмчид үзүүлээд эм бичүүлэн авч гэрийнхээ ойролцоох аптекаас эмээ авчээ. Шинээр гарч ирж байгаа эм гээд "Pro Bio vision acute” эмийг зааврын дагуу өдөрт 2-ыг уугаарай хэмээн өрхийн эмч нь бичиж өгчээ. Нөгөөх эмээ авч зааврын дагуу уулгаж, дараагийн өдөр нь ахиад 2 эмийг уулгах гээд эмээ задалтал доторх нь хов хоосон байж. Гайхсандаа ахиад үлдсэнийг нь задалтал бас л адил байв.

Эм авсан аптек руугаа буцаж очоод үнэн байдлаа хэлжээ. Учир нь дотроо 6 ширхэг байх энэ эм өөрөө 14000 төгрөгийн үнэтэй учраас зүгээр орхиход дэндүү үнэтэй юм.

Гэтэл аптекийн хүн эмийг сольж өгөх боломжгүй гэжээ. Учир нь тэд өөрсдөө оруулж ирдэг эм биш Моносоос нийлүүлдэг учраас хариуцлагыг нь Монос үүрэх ёстой гэв. Хүүхэд өвдөж байсан учраас цаг алдахыг хүссэнгүй. Нөгөө эмнээсээ ахиад авъя гэтэл тэр хайрцаганд байсан эм мөн адил хов хоосон байж.

Ингээд аптекийн хүн Монос руу залгаж болсон явдлыг тайлбарлаж, бүсгүйн авсан эмийг сольж өгөхийг хүсэв. Гэтэл Монос хариуд нь эм нийлүүлдэг "Pharmavision Europe"  гэх  компани руугаа мэдэгдээд, шалгуулаад   хариу өгье гэж.

Тухайн үед бүсгүй гайхаж орхижээ. Учир нь хүүхэд өвдөж гэдэс нь зовиурлаж байхад асууж шалгуулаад хариу өгье гэдэг нь   хүний өвчин зовлонгоор даажигнаж байгаа мэт санагдсан гэнэ.

Эм нийлүүлэгч  бүсгүйн хохирлыг барагдуулахгүй гэж хэлсэнгүй. Гэхдээ барагдуулж өгнө гэж мөн адил хэлсэнгүй. Зүгээр л эмийг хэзээ сольж өгөх нь цаг хугацааны асуудал болж үлдэв. Эмийг хугацаанд нь уух ёстой. Гэтэл сольж өгөх эмийг тийм олон дамжлагаар шалгуулж байж өгнө гэдэг нь хэний ч дургүйг хүргэх асуудал мөн. Бүсгүйн хүүхдэд тэр гэдэсний эм тухайн өдөрт хэрэгтэй. Харин тухайн  компани хэдэн өдөр, хэдэн сар шалгуулж байж тэр эмийг буцаан олгох нь үнэхээр тодорхойгүй.

Ер нь шахмал эм дотроо хоосон байдаг тохиолдол олон бий. Энэ тохиолдолд хэн хохирч үлдэх ёстой юм бэ? Өвчиндөө шаналаад мөнгөө өгөөд эм авсан хүн хоосон эм авчаад хэрүүл зарга хийгээд явах нь хэр олон бол. Тэр тохиолдол бүрт ашгийг нь хэн хүртэж байна.

Бид нар дэлгүүрээс будаа, гурил хүнсний зүйл авахдаа грамм даа хүрэхгүй эсвэл дутуу ширхэгтэй байвал солиулаад авдаг. Гэтэл хоосон савалгаатай эм мөнгийг нь төлж авчаад, түүнийгээ буцаах эрх яагаад байдаггүй юм бэ? Энэ талаар бид ШӨХТГ-аас асууж тодруулж эргэн мэдээлэх болно. 
 
474
  • Эмээ нараас болгоомжил! Үзсэн   733 2014-08-06
  • Жингээ хасах сайхан арга гэнэ шүү ...Охид бүсгүйчүүдээ~! Үзсэн   520 2014-08-15
  • Голдэн Стэйт Уорриорс улиралын 12 дараалсан ялалтаа байгууллаа Үзсэн   304 2015-11-18
  • Гэр бүлийн хүчирхийллийн эсрэг бодит сурталчилгаа Үзсэн   1147 2014-08-04
  • Мөрөөдлийн театрын ЖИРХНҮҮД - Diss to хадам ээж /ҮНЭХЭЭР ХӨГЖИЛТЭЙ/ Үзсэн   784 2015-01-06
  • Гайхмаар Үзсэн   366 2015-08-26
  • Үнэхээр азтай хүмүүс Үзсэн   486 2015-06-24
  • Шоог маш хурдан эвлүүлдэг залуу WOW Үзсэн   440 2014-08-18
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.
    Нэр:*
    И-мэйл:
    Сэтгэгдэл:
    Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler