Гурван бүдүүн хамтлагийн дуучин Шагай бүсгүйчүүдийн хайрыг булаав

Гуч хүрсэн бүсгүйчүүдийн хайрын эзэн болоод байгаа Гурван бүдүүн хамтлагийн дуучин Шагай сүүлийн үед уран бүтээлийн олз омог тун арвинтай байна. Тэрбээр "Гуч хүрсэн бүсгүй” хэмээх өвөрмөц дуу гаргасан нь охид бүсгүйчүүдийн дунд хит дуу болж байна. Монголын сайхан бүсгүйчүүдээр клипээ гоёсон дуучин Шагай өөрийн стиль имижээ бүрэн өөрчилж дон жуан эрийн төрхийг гаргасан нь үзэгчдэд ихэд таалагджээ.

Тэрбээр хамтлагийнхаа Гучин наймтай аав, Хүн шиг явж Ээжийгээ баярлуулъя, Ижийгээ гомдоох учиргүй, Холын чи минь зэрэг бүх л хит дууг зохиосон гэдгийг уншигчид маань тэр бүр мэдэхгүй байх. Авьяаслаг уран бүтээлч дуучин Шагай өдгөө нийт 100 гаруй дуу зохиосноос ихэнх нь хит болсон юм. Дан ганц өөрийн хамтлагтаа дуу зохиохоос гадна "universe best songs” тэмцээнээс төрөн гарсан залуу дуучдад мөн Outlaw хамтлаг, Play хамтлаг, Ноён Бондгор, Sync хамтлаг зэрэг олон дуучид түүний зохиосон дууг олны олны хүртээл болгодог юм.

"Гуч хүрсэн бүсгүй” дуу гарснаас хойш гучин нас хүрч буй бүсгүйчүүд түүнийг төрсөн өдөртөө урьж дуулуулдаг болсон гэнэ. Энэ байдлыг харсан бусад найзууд нь Шагай энэ жилийн шинэ жилээр гучтай бүсгүйчүүдийг хуйлруулах юм байна гэж хошигнон ярьж байгаа гэнэ шүү.