"Skiptrace" кинонд Жэки Чан өвөрмонголчуудтай хамт Аделийн дууг дуулжээ
Тулааны урлагийн мастер, кино од, чадварлаг жүжигчнээс гадна Жэки Чан авьяаслаг дуучин гэдгээрээ алдартай. Тэрээр инээдмийн жүжигчин Жонни Ноксвиллтэй хамтран тоглосон "Skiptrace" кинонд дуучин Аделийн "Rolling in the deep" дууг өвөрмонголчуудтай дуулжээ.
Найр наадам хийж байсан нутгийн ардтай хөгжилдөх зуур бага зэрэг халамцсан Жэки Чан барууны алдарт дуучны дууг эхлүүлэв. Гэтэл нэгэн бүсгүй дахилтаас нь түүнийг "түрж", ингээд тэнд цугласан нутгийн иргэд бүгд л энэ дууг мэддэг болж таарахад Чан өөрөө гайхах болно. Морин хуурыг шанз хөгжимтэй хослуулан бий биелгээ хийж цугласан олон хамтдаа "Rolling in the deep" дууг дуулж буй хөгжилтэй бичлэгийг хүргэе.
Дашрамд өгүүлэхэд, Жэки Чан англи, япон болон мандарин, кантон аялгаар дуулдаг бөгөөд анх "Залуу мастер" кинонд зориулан "Кунг Фугээр тулалдагч эр" нэртэй дуу англи хэл дээр зохиож дуулж байжээ.
Тэрээр урын сандаа 20 орчим цомогтой /түүний бүтээлүүдийг энд дарж үзнэ үү/ бөгөөд өөрийнх нь тоглосон киноны 40 гаруй дуу болон азийн алдарт дуучидтай хамтран дуулсан бүтээлүүд бий. Тэрээр 1984 онд Японы шилдэг гадаад дуучин шагналыг хүртсэн байна.
Түүний дуулсан "Skiptrace" киноны "Plainly my heart" дуу
