|

Зургаан жилийн өмнө Ц.Содномдорж, харин одоо Ч.Санжаадамба

Жил бүрийн наадам будлиантай болдог ёс тогтов бололтой. Энэ жилийн хувьд тавын даваа эхнээсээ найраа, будлианаар дүүрэн болж өнгөрөв. Архангай аймгийн Хашаат сумын харьяат, Улсын аварга Ч.Санжаадамба энэ даваанд Төв аймгийн бөх аймгийн арслан Г.Ганжадыг амлаж барилдсан бөгөөд тус барилдааны явцад хоёр бөх зэрэг шахуу унаж, багагүй маргаан дэгдээлээ. Аварга Г.Ганжадын тохой түрүүлж хүрсэн гэж үзсэн ч хөлийн цэц, хоёр засуул нийт зургаан хүний тав нь Г.Ганжадыг давсан, үлдсэн ганц нь хайнцсан гэж үзсэнээр Г.Ганжад төрийнхөө есөн хөлт цагаан тугийг тавантаа тойрсон юм.

Хөлийн цэц, засуулуудын шийдвэрийг аварга хүлээн зөвшөөрөөгүй. Дархан аварга Г.Өсөхбаяр ч засуулыг зад загнаад ч асуудлыг нэгэнт шийдвэр гарсан тул яах ч аргагүй байдалд оров. Аварга 30 орчим минут зүлэг ногоон дэвжээн дээр эсэргүүцлээ илэрхийлсэн ч тусыг олсонгүй. Бүр туг ч тойрч үзээд тус болоогүй юм.

Барилдааны удаашруулсан бичлэг


Тус барилдааны ахлах хөлийн цэцээр Төв аймгийн Баян-Өнжүүл сумын ахмад улсын заан Ц.Баярсайхан ажилласан. Харин аваргыг хаясан, шинээр начин цолтны босго алхсан аймгийн арслан Г.Ганжадын хувьд мөн Төв аймгийн бөх, Дүнжингарав дэвжээнд харьялагддаг. Наадамчин олны дунд нутгийн дүүгээ "хүчээр" давууллаа гэсэн хардлага ч төрсөн юм.

Ямартай ч аваргын эсэргүүцэл 2011 оны наадмыг санагдуулж байв. Тухайн үед аймгийн хурц арслан цолтой байсан одоогийн аварга Ч.Санжаадамба, Хөвсгөл аймгийн хүчит харцага Ц.Содномдорж нарын барилдаан мөн маргаантай өрнөж, залуу харцага цаг гаруй эсэргүүцлээ илэрхийлсэн удаатай. Удтал маргалдсаны эцэст Санжаадамба заан цолд хүрч, үе тэнгийн нэгэн залуу нь нулимстай хоцорсон билээ. 


Бөхийн холбоо жил бүрийн наадмаасаа сургамж авч, бөхийн барилдааныг будилаангүй шийдвэрлэх үүрэгтэй. Гэвч өнөө жилийн наадмаар дахин нэг будилаан гарлаа. Хөлийн цэцүүд барилдааны бичлэг үзэж, шийдвэрлэхгүй, өөрийн харснаараа шийддэг хуучинсаг үзлээсээ түргэн салж, шинэчлэгдэх цаг нэгэнт болжээ. Техникийн дэвшлийг цаг тухайд нь түргэн шуурхай ашиглаж, засуул, хөлийн цэцээс гадна видео бичлэг үзэж, зөвхөн нэг талаас нь бус олон талыг харсан шийдвэр гаргаж байвал идэр залуу хүчтэнгүүдийн бүтэн жилийн хөлс, хөдөлмөрийг ганцхан буруу шийдвэрээр үгүйсгэдэг бурангүй явдал зогсох учиртай. 

Гэрэл зургийг Б.Мөнх-Эрдэнэ

unuudur.mn

1291
  • Гэрийн нөхцөлд амны хаалт хийх зөвлөмж Үзсэн   889 2020-03-03
  • Жинхэнэ рок барилгачин Үзсэн   1452 2014-09-16
  • Big gut dance-Том гэдэсний бүжиг Үзсэн   1426 2014-08-20
  • ОХУ-ЫН ЕРӨНХИЙЛӨГЧ "КАМАЗ" МАШИН ЖОЛООДОВ Үзсэн   956 2018-05-16
  • Багш таныг дуулъя - дуучин Э.Дашням Үзсэн   749 2021-10-14
  • Эможи киноны трейлер гарлаа Үзсэн   1366 2016-12-21
  • Леброн Жеймс сагсан бөмбөгийн түүхэнд 40 мянган оноо авсан анхны тоглогч боллоо Үзсэн   1066 2024-03-04
  • Хүүхэд хулгайлах хэр амархныг харуулсан сургамжтай туршилт Үзсэн   843 2019-05-19
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.