Жүжигчин Бархүү Одончимэгт гэрлэх санал тавилаа

Та энэхүү бичлэг үзэхийн тулд FACEBOOK - д өөрийн ПРОФАЙЛ эрхээр нэвтэрсэн байх шаардлагатайг анхаарна уу!

Хошин урлагийн "Х түц" продакшнаас төрсөн хосуудын хайрын түүх үргэлжилсээр. Тэдний амьдралын тухай сайн муу олон яриа гарч байсан ч тэдний тухай хамгийн сайхан мэдээ бол МУГЖ Одончимэгийн төрсөн өдрөөр түүний хайртай хань гэрлэх санал тавьж, өвдөг сөхрөн хуримаа хийхийг санал болголоо. Жүжигчин Бархүү " Яг түүн шиг шоу"-ны шилдгээр шалгарч өөрийн авьяас чадварыг олон түмэндээ бишгүй нэг харуулаад авсан. Бүр "Бархүүг Барахгүй" хэмээх үг ч цахим ертөнцөд тус шоуны үеэр тархаж байлаа.

Тэгвэл эхнэрээсээ насаар бага, эзэмшсэн мэргэжилдээ өндөр ур чадвартай Бараа маань эхнэртээ гэнэтийн бэлэг барьж Никитон хамтлагийн "Чи минийх" дуугаар ая дуу өргөлөө.

Түүний гэрлэх саналыг Одноо баярлан хүлээж авахдаа "Бархүү бол үнэхээр чадварлаг, түшигтэй, ноён нуруутай, халамжтай хань. Бурхан надад ийм хайр өгсөн нь миний аз юм уу даа гэж боддог" хэмээн хэлсэн юм.