Дубайн "Torch Tower"-т дахин гал гарлаа
ДУБАЙ. /CNN/. Арабын Нэгдсэн Эмирт Улсын нийслэл Дубай хот дахь тэнгэр баганадсан орон сууц хоёр жилийн хугацаанд хоёр дахь удаагаа галд өртлөө.
"Torch Tower” хэмээх энэ барилгад өчигдөр орой гал гарч, гал хурдацтай хүрээгээ тэлж байгааг харуулсан дүрс бичлэгүүд интернэтэд тавигджээ.
Дубай хотын холбогдох албаны хүмүүсийн мэдэгдсэнээр, аврагчид оршин суугчдыг барилгаас шуурхай нүүлгэн шилжүүлж, галыг дарж авсан байна.
Дэлхийн хамгийн өндөр барилгуудын нэг болох "Torch Tower”-т чухам юуны улмаас гал гарсан нь хараахан тодорхойгүй байна.
Тус барилгад 2015 оны эхээр мөн гал гарч байсан юм.
Дубайн "The Torch Tower”
· 79 давхар тус барилга нь 2011 онд ашиглалтад орсон.
· Анх ашиглалтад орох үедээ дэлхийн хамгийн орон сууц гэгдэж байсан. Харин одоо тус барилгаас өндөр зургаан орон сууц ашиглалтад ороод байна.
· Тус барилга нь одоогоор өндрөөрөө дэлхийд 32 дугаарт орж байна.
Г.Доржханд
Эх сурвалж: Монцамэ агентлаг
