Мишель Обама Бейонсегийн тоглолт дээр бут авав
Энэ долоо хоног Америкийн шинэ, хуучин тэргүүн хатагтай нарын хөлний дуулианаар эхэлж байна. Одоогийн Тэргүүн хатагтай Меланиа Трамп Европт хийсэн айлчлалынхаа үеэр өмссөн этгээд өнгийн өмд, намхан ултай шаахайны дуулиан намжаагүй байтал экс Тэргүүн хатагтай Мишель Обама оготор өмдтэй бүжиглэж буй бичлэг цахим ертөнцөд тараад байна.
Мишель өнгөрөгч ням гарагт Бейонсе, Жэй Зи нарын Парист хийсэн тоглолтыг хоёр охинтойгоо хамт үзэж сонирхсон бөгөөд богино өмд, сул цамцаар гангарсан тэрээр ядарч цуцахыг мэдэхгүй бүжиглэж байсан гэнэ. Түүнтэй хамт Бейонсегийн ээж Тина Нөүлз-Лаусон бүжиглэж байгаа нь бичлэгт буужээ. Дуучин бүсгүйн ээж ядраад суусан ч Мишель цуцахыг үл мэдэн хөгжмийн хэмнэлээр бүжиглэж байсан юм.
Гэхдээ үүнээс илүү нэгэн цагт улсынхаа Тэргүүн хатагтай хэмээгдэж явсан Мишелийн задгай гэмээр хувцаслалт, дэндүү оготор өмд олны анхаарлыг эрхгүй татаж байжээ.