Криштиану Роналдугийн гоол шилдгээр тодорлоо

УЕФА-гийн оны шилдэг гоолын шагналыг Ювентусын довтлогч Криштиану Роналду хүртлээ.

Европын хөлбөмбөгийн холбооноос зохион байгуулдаг томоохон тэмцээнүүдэд орсон шилдэг гоолуудаас шилдэгийн шилдэг гоолыг өнгөрсөн шөнө тодрууллаа. Өнгөрсөн улирлын Европын томоохон тэмцээнүүдэд орсон гоолуудаас хамгийн шилдэг гоолоор өдгөө Италийн Ювентуст тоглож байгаа Криштиану Роналдугийн өнгөрсөн улиралд Реал Мадридын бүрэлдэхүүнээс Аваргуудын лигийн шөвгийн наймд Ювентусын эсрэг хийсэн "Хайчилж" цохьсон гоол санал асуулгаар шилдэг гоолоор тодорсон байна.

Криштиану Роналду энэ улирлаас эхлэн "Хөгшин Хатагтай" нарын бүрэлдэхүүнд тоглох болсон бөгөөд одоогийн байдлаар шинэ багийнхаа төлөө албан ёсны анхны гоолоо бүртгүүлж амжаагүй байгаа юм.

Л.Анхбаяр

Gogo.mn

SPS