Ч.Чамин-Эрдэнийн үхэлд Н.Номтойбаярын хүү холбоотой гэв үү?

Загвар өмсөгч Ч.Чамин-Эрдэнэ амиа алдаад гурван сар орчмын нүүрийг үзээд байна. Энэ хугацаанд тус хэрэгтэй холбоотой үнэн худал нь үл мэдэгдэх олон мэдээлэл иргэдийн дунд гарч ирсээр байгаа бөгөөд хамгийн сүүлд талийгаачийн ах Ч.Гэрэлхүү тус хэрэгт нэр бүхий гишүүний хүү холбоотой гэх мэдээллийг өгөөд байна. 

Тодруулбал Ч.Гэрэлхүү тус хэрэгт Н.Номтойбаярын нууц хүү гэгдээд буй Н.Мөнгөншагайг холбоотой хэмээн өөрийн фэйсбүүк хуудаснаа зарлаад буй бөгөөд талийгаачийн нас барсан өдөр гартаа виски барьсаар талийгаачийн гэр лүү орсон гэнэ. Тус байрны хяналтын камерт түүний дүрс үлдсэн гэх бөгөөд тус бичлэгт монтаж орсон хэмээн Ч.Гэрэлхүү дурдлаа. 

Одоогийн байдлаар тус дүрс бичлэг олон нийтэд ил болоогүй байгаа бөгөөд ямартай ч ийм мэдээллийг талийгаачийн ах өгч байна. Харин Н.Мөнгөншагайгийн зүгээс одоогийн байдлаар ямар нэгэн мэдээлэл хийгээгүй байгаа. 

Мөн талийгаачийн хавтаст хэргийг хааж хэрэгсэхгүй болгосон тухай мэдээлэл цацагдах болсон бөгөөд энэ тухай албан ёсоор цацагдсан мэдээлэл байхгүй байгаа ажээ.