|

Гурван супер баатар

 

Х.ОЮУНБОЛД

Онц сонирхолтой аймшиг, триллерийн "Split” хэмээх киноны дараагийн анги "Glass” энэ сарын 18-наас эхлэн кино театруудаар гарахад бэлэн болоод байна. Энэ удаагийн цувралын супер баатар Дэвид Данн, Элайжа Прайс буюу Ноён Толь, Кевин Грамб нар сэтгэл мэдрэлийн төвд эмч Элли Стейллтэй уулзаж байгаагаар эхэлнэ. Улмаар Элайжа Прайс тэндээс зугтдаг. Ингэснээр түүнийг зогсоож чадах ганц баатар Дэвид Даннтай Кевин Крамбыг тулалдуулах аргыг эрж хайна. Аймшгийн төрлийн гурван ангит киноны төгсгөлийн ангийн зураг авалтыг 2017 оны аравдугаар  сарын 2-нд Филадельфи хотод авч эхэлсэн байна. Киноны найруулагч  М.Найта Шьямалан эхний ээлжийн зураг авалтыг энэ хотод 39 хоногийн хугацаанд харин дараагийн хэсгийн зураг авалтыг 2017 оын аравдугаар сарын 31-нд Аллентоун улсын төв эмнэлэгт авахаар төлөвлөсний дагуу хийсэн ажээ. Харин гол дүрд тоглосон Сэмюэл Л.Жексон, Сара Полсон, Жеймс Мэковой нар гардаг киноны эхний зураг дүрсийг өнгөрсөн жилийн зургадугаар сарын 12-нд танилцуулсан байна. Мөн энэ ангид нэгэн шинэ дүр нэмэгдсэн нь доктор Элли Стейлл, Адам Дэвид Томсон нар ажээ. Түүнчлэн энэ кинонд тус бүрдээ өөр өөрийн чадвартай гурван супер баатар нэгддэг байна. Энэ  ангийг хэрхэн бүтээх болсон талаар найруулагч  М.Найта Шмьяалан "Жүжигчин Сэмюэл Л.Жексон, Брюс Уйллис нар "Split”-ийн дараагийн ангийг бүтээхийг хүсч байгаагаа үргэлж илэрхийлдэг байсан” гэж цахим хуудастаа онцлон бичжээ. Тухайлбал, Элайжа Прайсын дүрийг бүтээсэн Сэмюэл Л Жексон намайг Лос-Анжелес хотоор машинтайгаа зугаалж явах үеэр машиныхаа цонхыг буулгахад "Хэзээ дараагийн ангийг хийх вэ” гэж хашгирч байсан гэжээ. Тиймээс би түүнтэй ганцаарчлан уулзахдаа цуврал ангийг хийцгээе” гэж хэлсэн хэмээсэн байна. Харин 2:08 цаг үргэлжилдэг аймшгийн төрлийн энэ киноны хөгжмийн зохиолчоор Уэст Дилон Тордсон ажиллажээ.  Өөрсдийгөө супер баатрууд гэж боддог энэ хүмүүсийн тухай киноны үйл явдал хэрхэн өрнөх бол.

 

Эх сурвалж: "Зууны мэдээ” сонин


753
  • Арван секундэд нүүрээ будах шилдэг арга Үзсэн   1490 2015-06-19
  • “ICE MONGOLIA 2015” Олон Улсын барилгын үзэсгэлэн Үзсэн   1419 2015-03-20
  • Мөсөн уул интернэтийг донсолголоо Үзсэн   1833 2014-07-30
  • Сүнс бидний дунд амьдарч байна /бичлэг/ Үзсэн   1093 2016-08-31
  • Ким Кардашян "ээж"-ийнхээ хувцасны өрөөг хараад ухаан алдах шахав VIDEO Үзсэн   1762 2015-07-10
  • Аймшигт болзоо Үзсэн   1521 2016-02-25
  • Хүүхдийин хүмүүжил (эцэг эхчүүдэд зориулав) Үзсэн   14912 2014-07-17
  • Чингис хааны сүнс Хэнтий аймагт бууна гэнэ үү Үзсэн   1448 2015-11-25
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.