|

Лэйди Гага 19 настайдаа удаа дараа хүчирхийлүүлснээ Опрад ярьжээ

 

Дэлхийн хэмжээний од дуучин Лэйди Гага Опра Уинфригийн 2020 онд зориулсан шинэ шоуны зочноор уригджээ. Флоридагийн Форт Лаудердэльд Опра Гага хоёр зэрэгцэн сууж цаг гаруйн турш ярилцсан байна.

Энэ удаагийн ярилцлагаар Гагагийн уран бүтээл, хувийн амьдралаас авахуулаад олон сэдвийг хөндсөн ч хэвлэлийнхний анхаарлыг хамгийн их татаж байсан зүйл нь Лэйди Гага 19 настай байхдаа удаа дараа хүчирхийлэлд өртөж байсан гэдгээ анх удаа Опрад ярьсан явдал байжээ. Урьд нь 2014 он Гага хүчирхийлэлд өртсөн гэдгээ анх удаа олон нийтийн өмнө ам нээж байсан бөгөөд энэ явдлаас хойш хоёр жилийн дараа 2016 онд сэтгэцийн эрүүл мэндийн асуудалтай байгаагаа нуугаагүй юм.

Харин энэ удаад Гага дөнгөж насанд хүрснийхээ дараа удаа дараа хүчирхийлүүлсэн нь түүнд маш том шарх үлдээсэн төдийгүй олон удаа хүнд саад бэрхшээлийг туулсан гэдгээ хуваалцсан байна. Мөн A Star is Born кинонд хамтран тоглосон жүжигчин Брэдли Күпертэй ямар харилцаатайг асуухад "энэ бол маш сайн ажил болж чадсан, хүмүүсийн толгой үнэхээр эргэсэн шүү" хэмээн хуучилжээ.

Ярилцлага дууссаны дараа Опра тайзны ард Лэйди Гагаг тэвэрч, зоригтой байж чадсанд нь баяр хүргэж, сэтгэл нь ихэд хөдөлж байгааг илэрхийлжээ. Опра Уинфри "2020 оны зорилт: Амьдралдаа анхаарал хандуул” гэсэн улс орон даяар хийх аяллаа эхлүүлсэн байна. Дараагийн зочдын жагсаалтад Женнифер Лопез, Мишель Обама нар багтжээ.


279
  • Өвөр Монгол Хипхоп Үзсэн   357 2018-07-31
  • Ц.Нямдорж: Нойроо дийлээч АН-хан! Үзсэн   549 2015-10-16
  • Их өрийн эзэн Н.Батбаяр 2012 оны сонгуулиар юу амлаж гарч ирсэн бэ? (Бичлэг) Үзсэн   646 2015-07-28
  • Энэ жилийн аваргын төлөөх цувралын шилдэг 10 тохолт Үзсэн   526 2017-06-21
  • Хөл бөмбөгчдийн өмнөх ба дараа Үзсэн   604 2018-07-10
  • Ерөнхийлөгчийн мэтгэлцээний үеэр “Их баярлалаа Г..ч..й минь” хэмээн бухимдсан сэтгүүлч алдаршжээ \бичлэг,хөгжилтэй\ Үзсэн   413 2016-09-29
  • Монгол тулгатны 100 эрхэм - Академич Ш.Бира Үзсэн   1016 2015-12-06
  • Одооны хүүхдүүдийн санаа гэж собак хаха Үзсэн   807 2015-09-28
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.