Коби Брайнт шилүүснээс супер техник сурчээ

"Лос-Анжелес Лейкерс”-ийн шинэ дасгалжуулагч Байрон Скотт шинэ улирлын анхны бэлтгэлээ багийн хамгаалалтыг сайжруулахад чиглэсэн гүйлтийн бэлтгэлээр эхлүүлсэн байна. Анхны бэлтгэлийн дараагаар багийн лидер Коби Брайнт "Бэлтгэл дээр урьд өмнө нь хэзээ ч ийм их гүйж байсангүй” хэмээн ярьжээ. Мөн тэрбээр нэгэн сонирхолтой түүх дэлгэсэн нь гэдийж шиддэг шидэлтээ шилүүснээс суралцсан гэнэ. Коби "Discover” суваг үзэж байгаад шилүүс хэрхэн ан хийж буйг харан, түүнээс санаа аван  энэ техникээ сайжруулжээ. NBA-гийн тоглолтууд эхлэх гэж буй энэ үед NBA.COM-ын есөн нийтлэлчийн найм нь Коби Брайнтыг ирэх улиралд доод тал нь дунджаар 20 оноо авна гэж үзжээ.