Жорлонд хийсэн GPS явсаар далайд гарчээ
ОХУ-ын Санкт-Петербург хотын хэдэн залуу бие засах суултууртаа бичил
GPS хийж урсгаад хаана явааг нь тандах сонирхолтой туршилт хийсэн байна.
Тэд хотоос зүүн хойш орших Новое Девяткино тосгоны нэг орон сууцны бие
засах суултуур уг төхөөргөө хийгээд хиймэл дагуулаар хаа явааг нь
танджээ. Үүгээрээ тэд "Таны хаягдал өтгөн хаана яван вэ” гэсэн реалити
шоу бүтээсэн байна.
Тэдний чип нэг их хурдалсангүй, хэрхэн яаж явааг
нь залуус картан дээр тэмдэглээд байжээ. Тэд зүгээр ч үгүй эрсдлийг
тооцож есөн төхөөрөг урсгасны дөрөв нь Кронштадтын орчим сураг алдарсан
бол тав нь аяллаа үргэлжлүүлж Нева мөрөнд орон Петербургийн бараг төвд
очсон байна. Ингэсээр Нева мөрнөөр дамжин Балтийн тэнгисийн Финийн булангийн усанд хүрчээ.
-Үүнээс үзэхэд манай Новое Девяткинод цэвэрлэх байгууламж байхгүй ч бохирын шугам нь тосгондоо бол хангалттай. Одоо болтол бохирыг Охта голд шууд цутгадаг, тэр гол Нева мөрөнд орж явсаар Финийн буланд хүрч байгаа хэрэг гэж энэ ажлыг зохион байгуулагч Евгения Долгова хэлж байна.
Үүгээрээ тэд яах ч аргагүй ус хангамжийн "Водоканал” байгууллагыг байгаль орчинд хөнөөлтэй ажиллаж байна хэмээн шүүмжилсэн байна. Тэд ийм нотолгоо баримтын дараа хотын удирдлага, эрх баригчид бохирыг шууд гол руу хаяж байгаадаа дүгнэлт хийж ямар нэгэн ажил хийх ёстой гэж үзэж байна.
