“Ээжүүд яагаад юу ч хийдэггүй вэ”
Амралтгүй, цалингүй, үргэлжийн завгүй ганц ажил бол ээж болох. Хүүхдээ хооллох, хувцаслах, ариун цэвэр сахиулах гээд ээж хүний ажил тоо томшгүй олон. Бага насны хүүхдээ хараад гэртээ суудаг ээжүүд хүүхэд харах энэ их ажлын хажуугаар гэр орон, хоол ундны асуудлаа зохицуулна гэдэг нэлээд авьяас, хүч хөдөлмөр шаардсан ажил болдог.
Ялангуяа дөнгөж хөлд орж байгаа хүүхдүүд жинхэнэ үймээний эзэн гэж хэлж болно. Өдөржингөө завгүй өнгөрдөг ээжийн нэг өдрийн төгсгөл ундуй сундуй, угаах арчихаар дүүрэн үлддэг. Өдөржин хийсэн хэрнээ яагаад гэж үү.
Үүний учрыг тайлах нэгэн бичлэгийг залуу ээж, блог хөтлөгч Эстер Андерсон хийжээ. Тэрээр охин Эллиатайгаа өнгөрүүлдэг нэг өдрөө бичлэг болгосон нь олон хүний анхаарлыг татжээ. Хоёрдугаар сарын 18-ны өдөр оруулсан бичлэгийг өнөөдрийн байдлаар www.youtube.com хуудсаар сая гаруй хүн, фэйсбүүкээр 50 сая хүн үзсэн байна. Өөрийн туршлагыг бусадтай хуваалцах зорилгоор блогоо хөтөлдөг залуу бүсгүйн "Ээжүүд яагаад юу ч хийдэггүй вэ” бичлэгийг сонирхоно уу.
