Исламын улс залуу эрчүүдийг заазуурдаж байна

Исламын улсын дайчид залуу хөвгүүдийн гар, хөлийг заазуураар зүсч ариун бурхны тэмдэглэгээ хийж байгаа тухай Дэйли Мэйл бичжээ. Олзны хоёр иргэнийг зэрлэгээр зүсч, заазуурдаж буй балмад этгээдүүд "тамгалах” хүнийхээ зүүн хөл, баруун гарыг нь иртэй том заазуураар зүсч байна. Учир нь тэд ингэж тамласан хүнийг "Исламын улсын шийтгэл”, "Лалын ариун бурхнаас үүрд урвасан” гэж олон нийтэд зарлан, үргэлж урвагч байх ёстой гэх шийтгэлийг ногдуулж байгаа гэнэ. Ингэж заазуурдах явдал Сирийн Хомс хотод газар авсан байна. Харгис хэрцгий уг үйлдлийн дараа Исламын улсын алан хядагчид зарим өөд болсон барьцааны иргэнийг өндөр барилгаас шидэж, бах таваа хангацгаажээ. Дүрс бичлэгт дөрвөн хүнийг тамалж буйг харуулах бөгөөд тэдний нэрийг зарлаж, Исламын улсын эсрэг ямар хэрэг өдүүлснийг нь хэлж нэг ёсны цаазлах ажиллагаа явуулсан байна. Заазуурдах үйл явцыг Исламын улсын хэдэн зуун залуу хөвгүүд дэргэдээс нь харж, зарим нь инээн цэнгэх аж. Т.Бат

Мэдээний эх сурвалж: http://time.mn/64955