Ди Каприо “Оскарын шагнал” -аа ресторанд мартжээ

Холливудын од Леонардо ди Каприо 5 дах удаагаа нэр дэвшиж удаан хүлээсэн "Оскар"-аа авлаа. Оскарын шагнал гардуулах ёслол дээр дунд хуруу гаргасан зураг цахим ертөнцөөр тархаж эхэлснээс эхлээд түүнийг шагналаа үл тоомсорлож байна гэх шуум яригдаж эхэлсэн. Мэдээж, санамсаргүй тохиолдол гэж үүнийгээ тэр тайлбарлах байх.
Ёслолын дараа Лео ялалтаа тэмдэглэн зоогийн газарт найзуудтайгаа орж наргижээ. Тэндээс гарахдаа Леонардо ди Каприо нөгөө шагналаа мартчихжээ. Леог машиндаа сууж байхад зоогийн газрын нэгэн ажилтан гартаа алтан Оскар барьчихсан гүйж ирээд "Та үүнийгээ мартчихлаа" гэж хэлэв. Хариуд нь Лео хэнэг ч үгүй "Тийшээ өг" хэмээн найз руугаа дохиод өөрөө лонхтой оргилуун дарс аваад яваад өгчээ. 
Зарим сонин хэвлэл "Лео мартсан болж зориуд жүжиглэж байна. Тэр зүгээр л Мэрил Стрипийг дуурайлаа" хэмээжээ. 36 жилийн өмнө буюу 1980 онд Мэрил үнэхээр тэгсэн. "Крамер Крамерын эсрэг" киногоороо шагнал хүртсэн Мэрил нөгөө Оскараа жорлонд мартсан байсан" байна.