Хэд ч үзсэн уйддаггүй гайхалтай кинонууд
Нью Йоркийн Five Thirty Eight вебсайтаас кино сонирхогчдынхоо дунд «Хэд ч үзсэн уйддаггүй кино» шалгаруулах нэгэн сонирхолтой судалгааг явуулжээ.
Судалгаанд хамрагдсан хүмүүсээс 4362 киноны нэр ирсэн ба тэдгээрээс хамгийн олон санал авсан кинонуудаас хүргэе.
Харин таны хувьд хэд ч үзсэн уйддаггүй ямар кино байдаг вэ?
1. «The Lord of the Rings»
2001 – 2003 онд дэлгэцнээ гарч байсан энэ кино Шинэ Зеландын нэрт найруулагч Peter Jackson – ийн сор бүтээлүүдийн нэг билээ. Киноны гурван ангийг бүтээхэд 8 жилийг зарцуулсан ба Box Office – ийн хамгийн их ашиг олсон кино жагсаалтанд дээгүүрт бичигддэг.
2. «Gone with the Wind»
Пулитцерийн шагналт романаас сэдэвлэсэн энэ кино та бидний сэтгэлд хоногшсон киноны нэг. 4 цаг орчим үргэлжилдэг киноны Scarlett O’Hara – гийн дүрийн шалгаруулалтанд 1400 жүжигчин шалгуулж байжээ.
3. «The Godfather»
АНУ-ын нэрт зохиолч Mario Puzo [ 1920 – 1999 ] – гийн ижил нэртэй романаас сэдэвлэсэн «Загалмайлсан эцэг» киног залуу хүн бүрийн заавал үзэх ёстой 100 киноны нэгээр нэрлэжээ. Кино урлагийн түүхийн сор болсон энэ бүтээлд Сицилийн мафийн Корлеоны гэр бүлийн 1945 – 1955 оны амьдралыг өгүүлнэ.
4. «The Shawshank Redemption»
Tim Robbins болон Morgan Freeman нарын гол дүрд нь тоглосон дэлгэцийн сор бүтээлийг мэдэхгүй хүн гэж үгүй. Сонирхолтой баримтаас дэлгэвэл муу усны хоолойн зураг авалтын шаврыг шоколадны сироп модны үртсийг усаар зуурч хийсэн байдаг ажээ.
5. «Harry Potter»
2001 – 2011 онд үзэгчдийн хүртээл болсон уран зөгнөлт «Harry Potter» киног Английн зохиолч J. K. Rowling – ийн ижил нэртэй цуврал романаас сэдэвлэн бүтээсэн билээ. Үйл явдлын цөм болсон Хогвартс сургуулийн нэр нь Нью Йоркийн нэгэн цэцэрлэгт ургасан ургамлын нэр гэдгийг мэдэх үү?
6. «It’s A Wonderful Life»
Шинэ жилээр заавал үзэх киноны нэг нь «Амьдрах гайхамшигтай» кино юм. 1939 оны «Хамгийн гайхамшигтай бэлэг» романаас сэдэвлэсэн кинонд сайхан сэтгэлтэй ч ажил төрөл нь бүтэмжгүй амьдрал нь нэг л урагшгүй George Bailey – ийн амьдралд тохиолдсон гайхамшигтай үйл явдлыг өгүүлдэг.
7. «Forrest Gump»
Хэн хүний сэтгэлд хоногшсон «Forrest Gump» – ийн түүх хамгийн сэтгэл хөдөлгөм киноны нэг юм. Найруулагч Robert Zemeckis энэ киногоороо нэг хүний нүдээр дэлхий ертөнц яаж харагддаг хэрхэн өөрчлөгдөж байгааг харуулахыг зорьсон байдаг. Ингэхдээ тэрээр хөгжлийн бэрхшээлтэй хүний өнцгөөс харсан нь кино шүүмжлэгчдээс өндөр үнэлгээ авсан юм.
8. «Dirty Dancing»
Хайрын оргил хэсгийг хамгийн гайхалтай дүрсэлсэн романтик киноны нэгээр «Бохир бүжиг» киног нэрлэдэг. 1987 онд дэлгэцнээ гарсан энэ киноноос сэдэвлэсэн «Dirty Dancing Festival» АНУ-ын Lake Lure хотод зохиогддог. Киног дахин бүтээхээр мэдэгдсэн ч хойшлогдсоор л байна.
9. «Pulp Fiction»
1994 онд гарсан энэ кино найруулагч Quentin Tarantino – гийн анхны бүтээлүүдийн нэг юм. Киног $8 сая ам.доллараар бүтээсний $5 саяар нь жүжигчдийнхээ цалинг тавьжээ. «Black» комеди жанрын кинонд олон хүний амны уншлага болсон *uck гэдэг үг 265 гардаг гэнэ.
10. «Titanic»
20-р зууны хамгийн их санхүүжилтээр бүтээгдсэн киноны гол дүрд Matthew McConaughey болон Gwyneth Paltrow нарыг тоглуулах гэж байжээ. Кино зохиол 165 гаруй хуудастай байсан ба Jack Dawson – ийн зурсан зургуудыг үнэндээ найруулагч James Cameron өөрөө зурсан байдаг.
11. «The Lion King»
Араатны хаан арслангийн түүхийг «Walt Disney» – ийнхэн Библи болон Гамлетаас сэдэвлэн бүтээсэн байдаг. Киноны үеэр хэд хэдэн Микки хулганын дүрс гардгийг анзаарсан уу? Тэгвэл дахин үзэхдээ заавал олоорой.
12. «Pretty Woman»
Тэрбумтан Edward [ Richard Gere ] – ийн төгөлдөр хуур тоглодог хэсгийн санаж байна уу? Тэгвэл тэр хэсгийн хөгжмийн зохиолыг тэрээр өөрөө зохиожээ. Муугаар төгсгөхөөр төлөвлөсөн байсан энэ киног «$3000» гэж нэрлэх гэж байсан гэнэ.
13. «Casablanca»
Сэтгэлт хүндээ хайрлуулахын жаргалыг өгүүлсэн киног «Everybody Comes to Rick’s» жүжгийн зохиолоос сэдэвлэн бүтээжээ. Сонирхолтой нь кинонд Нацистуудын дүрийг бүтээсэн жүжигчид үнэндээ Нацист Германчуудаас оргон зайлсан Германы Еврейчүүд байсан гэнэ.
14. «The Notebook»
Ryan Gosling дүрдээ орох гэж хоёр сар Өмнөд Каролинагийн Чарлстонд амьдарчээ. Тэрээр өдөр болгон Эшли голыг гаталж тавилга хийдэг байсан ба хийсэн ширээ нь киноны үеэр гардаг…? Киног уянгын цуврал болгон гаргахаар болсон ба CW сувагтай хамтрахаар болжээ.
15. «Finding Nemo»
Энэ киног дэлгэцнээ гарснаас хойш алиалагч загасны худалдаа эрс өссөн гэдэг. Тэгвэл хоёрдугаар ангийг нь «Finding Dory» нэртэйгээр 2016 онд гаргахаар болжээ. Dory – гийн дүрд Ellen DeGeneres дуу оруулахаар болсон бөгөөд энэ нь түүнд зориулж бичсэн анхны дүр ажээ.
16. «Goodfellas»
1986 оны «Wiseguy» номноос сэдэвлэсэн энэ киног бүх цаг үеийн хамгийн шилдэг киноны нэгээр нэрлэдэг. Кинонд «The Lucchese» гэмт бүлэглэлийнхний 1955 – 1980 оны ээдрээт амьдралын замналыг өгүүлсэн билээ.
