Хүн чоно хуримаа хийлээ

Ларри Гомез бол дэлхийн хамгийн үсэрхэг хүмүүсийн нэг юм.  Хамгийн үсэрхэг гэсний учир нь түүний нүүр болон биеэр нь үс бүрхэн ургадаг. Түүнтэй адил хүн дэлхий даяар 100 орчим л байдаг ба энэхүү ховор тохиолдлыг хүн чонын синдром гэж нэрлэдэг байна.

Ларри Гомез нь "Water For Elephants” кинонд туслах дүр бүтээсэн ба  "Freakshow” гэх  телевизийн шоуны  жүжигчин юм.

Харин тэрээр саяхан Алиша Мартинезтэй гэр бүл болж өрх гэрийн эзэн болж байгаа билээ.

Долоон жилийн өмнө Гомез түрээслэх өрөө хайж яваад ирээдүйн сүйт бүсгүйнхээ өрөөг түрээслэх болсноор тэдний хайр дурлалын харилцаа эхэлсэн байна. Хосууд  өмнө нь хоёул гэр бүл зохиож байсан гэнэ.  

Тэд хуримандаа хоёр талын хамаатнууд, Freakshow-ны дотны анд Рэйгийн гэр бүл болон Америкийн хамгийн намхан хүн Габриэль Пимента нарыг урьсан байна.

Тэд бал сараа тэмдэглээгүй байна. Харин энэ тухайгаа Гомез "Бид бал сараараа явахгүй байсан ч зүгээр. Учир нь бидний өдөр бүр бал сар шиг байдаг” гэжээ.