Хятадууд “Форд”-ыг хамгийн үнэтэй жийп болгожээ
Хэн хүнд төдийлөн танил биш Хятадын IAT компани дэлхийн автомашин үйлдвэрлэгч томоохон компаниудыг давж гарав. Дэлхийн хамгийн өндөр үнэтэй жийп машиныг бүтээжээ. F-117 нисэх онгоцтой төстэй энэ төмөр хүлэг Karlmann King гэдэг нэртэй. Түүнийг "Форд”-ын ачааны машааны суурин дээр бүтээсэн аж. Тодруулбал, Ford F-550 пикапын суурин дээр бүтээв.
6,8 литрийн багтаамжтай V10 бензин хөдөлгүүр нь 400 морины хүчин чадалтай. Ердийн бүхээгээс гадна хуягласан бүхээгтэй үйлдвэрлэгдэж байгаа бөгөөд тэр нь зургаан тонн жинтэй. Хятадын компани ийм загварын есөн машин үйлдвэрлэнэ. Ердийн загвар нь хоёр сая долларын үнэтэй бол хуягласан загвар 3,8 сая долларын үнэтэй аж.
