Бурханы тушаалаар 18 жил нүх ухаж байна (видео)
Сальвадор Улсын оршин суугч 69 настай Сантьяго Санчес сүүлийн 18 жил өдөр тутам нүх ухаж байгаа аж. Ийм даалгаврыг тэрбээр бурханаас авсан гэж ярьжээ. Дээд тэнгэрийн эзэн түүнд өдөр бүр 40 кг чулуу, хөрс зэргийг хуулахыг тушаасан гэж Санчес өгүүлэв.
Одоогоор түүний ухсан нүхний гүн 100 метрийг давж гарсан юм. Тэндхийн нэгэн телевизийн сувгийн сурвалжлагч нүх рүү тултал нь бууж чадаагүй гэдгээ ярьсан аж. Учир нь, тэнд амьсгалахын аргагүй байжээ. Харин Санчес нүхний ёроолд хүрэх нь зөвхөн түүнд зөвшөөрөгдсөн зүйл хэмээн хэлжээ.
Одоогоор түүний ухсан нүхний гүн 100 метрийг давж гарсан юм. Тэндхийн нэгэн телевизийн сувгийн сурвалжлагч нүх рүү тултал нь бууж чадаагүй гэдгээ ярьсан аж. Учир нь, тэнд амьсгалахын аргагүй байжээ. Харин Санчес нүхний ёроолд хүрэх нь зөвхөн түүнд зөвшөөрөгдсөн зүйл хэмээн хэлжээ.
Тэрбээр өдөр болгон үүрийн гурван цагт босоод гэртээ үдэш орой болсон хойно ирдэг аж. Түүний гэр бүлийнхэн энэ үйлдлийг нь төдийлөн дэмждэггүй ч Санчес бурханы тушаалыг биелүүлж байгаа гэдэгтээ бүрэн итгэлтэй байгаа юм.
