|

Суниалтын дээд амжилт тогтоожээ (видео)

Америкийн иргэн 24 цагийн дотор савлуурт суниасан тоогоороо дэлхийн шинэ дээд амжилтыг тогтоожээ. Техас мужийн Корпус-Кристи хотын оршин суугч 54 настай Марк Жордан нэг хоногийн дотор турникт 4321 удаа суниасан аж. Дэлхийн дээд амжилтыг тогтоох оролдлогоо Жордан аль өнгөрсөн оны 11 дүгээр сарын 04-нд хийсэн ч дөнгөж саяхан буюу гуравдугаар сарын 11-ний өдөр Гиннесийн амжилтын номд бичигджээ.

Тэрбээр бэлтгэл ажилдаа бүтэн нэг жилийг зарцуулжээ. "Өөрийн бие, эрүүл мэндийг хөгжүүлж, анхаарахад хэзээ ч оройтохгүй гэдгийг би нотлон харуулахыг хүссэн юм” хэмээн тэрбээр мэдэгдэв. Өмнөх дээд амжилт 4210 удаагийн суниалттай тэнцэж байсан юм.

Өнгөрсөн жилийн долоодугаар сард тэрхүү амжилтыг Вашингтон мужийн оршин суугч Майк Маккастел эвдэхийг оролдсон ч түүнд 800 суниалт дутсан билээ. 27 настай залуу 3400 орчим удаа суниаж байтал шөрмөс нь тасарсан тул эмнэлэгт хүргэгджээ. Эмнэлгээс гараад гандан буурахгүй эр дээд амжилтыг эвдэх оролдлогуудаа үргэлжлүүлнэ гэж хэлсэн удаатай.
1452
  • Авто ослууд Үзсэн   2454 2014-07-18
  • Ээж нь явчихсан, стресс алга Үзсэн   1218 2019-04-19
  • Ч.Сайханбилэг: Миний толгойлсон Засгийн газраар Оюу Толгойн улс төр дуусаасай Үзсэн   894 2016-01-29
  • Ноцтой баримт: С.Эрдэнэ доод тушаалтнуудаараа дамжуулан авлига авдаг уу Үзсэн   1131 2016-04-27
  • Ё.Отгонбаяр: АН социализм, коммунизмдаа тавтай морил! Үзсэн   1065 2014-11-27
  • Дэгжин Бэси хаха нохой хүртэл үү Үзсэн   1440 2015-01-21
  • Хүмүүс надаас найз охинтой болсон уу гэж асуухад би ... хаха Үзсэн   1074 2015-10-02
  • Заавал үзэх видео - Мэдэхэд илүүдэхгүй Үзсэн   1357 2014-08-15
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.