Д.Жавхаасайхан, Д.Үүрийнтуяа нарын "Хун галуу" дууны шинэ клип гарлаа

"Хун юу цагаан галуу шувуухай
   Хулстай нуурандаа шумбан сууна хөө,
   Холын зочид хүрээд ирлээ дээ
   Хонуут өнжүүд найрлан сууя даа хөө..."

Уртын дуучин СТА Д.Жавхаасайхан, Д.Үүрийнтуяа нарын шинэхэн уран бүтээл "Хун галуу" дууны клип үзэгчдийн хүртээл боллоо. Өвөр Монголын ахан дүүсийн алдарт "Хун галуу" дууг зочин гийчиндээ зориулан найр хуриманд дуулдаг ажээ. Харин дуучин Д.Жавхаасайхан, Д.Үүрийнтуяа нар энэхүү дууг этник стильд оруулан шинэчлэн дуулсан байна.

Тус клипний зураг авалтыг ӨМӨЗО-ы Шилийн гол аймгийн Зүүн Сүнэд хошуу болон Авга хошууны нутаг дахь Чингис Богд уулнаа хийжээ.

Ардын уртын дууг орчин үеийн хөгжмийн найруулгаар шинэ хэв маягт оруулан дуулдаг тэдний уран бүтээл үргэлжилсээр байна.