|

“Honey moon” хамтлагийн “Тэр залуу” дууны шинэ клип гарлаа

"Honey moon” хамтлаг нь 5 жилийн ойн босгон дээрээ энэ онд анхны цомгоо амжилттай гаргаж, хэд хэдэн дуундаа клип бүтээлгэж, үзэгчдийн хүртээлд хүргэсэн билээ. Тэгвэл цомгийн ээлжит уран бүтээл болгож, "Тэр залуу" шинэ уран бүтээлээ танилцуулж байна. Дууны үг, аяыг хөгжмийн продюсер Оки бичсэн бол клипийг "V” студийнхэн хамтлагийнхны шинэ дүр төрхийг тодотгож, шинэ санаа тусган үзүүштэйгээр хийж гүйцэтгэжээ. 

Дуу, клипний найруулга, хийцээс гадна хувцасны стиль имиж, үс засалт, нүүр будалт гээд бүх тал дээр мэргэжлийн хүмүүстэй хамтран ажиллаж, чанартай уран бүтээл гаргахыг эрхэмлэжээ. Тэр ч утгаараа цаг хугацаа, хөдөлмөр, хөрөнгө, сэтгэл зүрх, авьяас чадвар, мэдрэмжээ дайчлан ажилласан энэ удаагийн уран бүтээл "Honey moon” хамтлагийн дуу хөгжмийг илүү шинэлэг түвшинд илэрхийлж байна.
Хайрын сэдэвт дуунуудыг ихэвчлэн дуулдаг "Honey moon” хамтлагийнхан энэ удаад ч хайрыг бас нэгэн сонирхолтой өнцөгөөс харж, мэдэрч, аялгуулан дуулсан юм. Өнгөлөг, эрч хүчтэй, эмэгтэй хүний гоо үзэсгэлэн, ихэмсэг дүр төрхийг тодотгож бүтсэн энэ уран бүтээл охид, бүсгүйчүүдэд өөртөө итгэх итгэл, урам зориг өгнө гэдэгт итгэлтэй байна. 
Дашрамд, хамтлагийнхан тун саяхан ӨМӨЗО-ны Хөх хотын "Улаан театр”-т зохиогдсон Монгол, Орос, Хятад гурван орны залуу бизнесменүүдийн уулзалтанд зориулсан тоглолтонд Монголын рок попыг төлөөлөн амжилттай тоглоод иржээ. Мөн Монгол орны баруун аймгуудаар аялан тоглож, хөдөө орон нутгийн сонсочидтойгоо халуун дотноор уулзан цомгоо бэлэглэсэн байна.

 

1265
  • Гэрийн нөхцөлд амны хаалт хийх зөвлөмж Үзсэн   889 2020-03-03
  • Жинхэнэ рок барилгачин Үзсэн   1452 2014-09-16
  • Big gut dance-Том гэдэсний бүжиг Үзсэн   1426 2014-08-20
  • ОХУ-ЫН ЕРӨНХИЙЛӨГЧ "КАМАЗ" МАШИН ЖОЛООДОВ Үзсэн   956 2018-05-16
  • Багш таныг дуулъя - дуучин Э.Дашням Үзсэн   749 2021-10-14
  • Эможи киноны трейлер гарлаа Үзсэн   1366 2016-12-21
  • Леброн Жеймс сагсан бөмбөгийн түүхэнд 40 мянган оноо авсан анхны тоглогч боллоо Үзсэн   1066 2024-03-04
  • Хүүхэд хулгайлах хэр амархныг харуулсан сургамжтай туршилт Үзсэн   843 2019-05-19
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.