Өвөрмонгол малчны морьдыг дайрч буй БИЧЛЭГ шуугиан тарьж байна

Энэ хэрэг өчигдөр Өвөр Монголын Хөлөнбуйрт гарсан бөгөөд бичлэг дээрх дээр сүраг адууг машинаар хөөн дайрч алж буй нүд халтирам дүр зураг харагдаж байгаа юм. Эх сурвалжийн хэлж буйгаар дээрх хэргийг үйлдсэн хүмүүсийг хайж буй аж. Мөн орон нутгийн хууль сахиулагчид тэднийг баривчилж, хариуцлага хүлээлгэхээ мэдэгджээ. 

Энэ талаар Өвөрмонголоос ирсэн нэгэн хүнээс лавлахад, "Өвөр монголд оршиж буй хамгийн ноцтой асуудал бол энэ.Удмын малчин хүн хэзээ ч ийм хэрэг үйлдэхгүй! Энэ бол малчдын нутгийг түрээсэлж авсан хүн  бусдын адууг хөөж байгаа үзэгдэл! Газар хувьчлаад түүнийгээ зараад, түрээслээд ажил хийхгүй санаа зовохгүй амьдарч байна. Харин малчид нэгэнт нутаггүй болсон бол гурван үе явахгүй гуйлгачин болно...Өвөр монгол байна уу, монгол байна уу хамаагүй. Энэ бичлэгийг хараад нүд халтирахгүй Монгол хүн гэж үгүй! Өнөөдөр маш олон өвөр монголчууд энэ хүнийг эрж хайж хуулиар шийтгэх арга зам хайж байгаа” хэмээв.