|

Лодко: Миний дуунууд сонсогчдод уярал ухаарал хайрладаг байгаасаа гэж хүсдэг

Монголын урлагийн ертөнцөд залуу шинэ үеийнхэн хүч түрэн орж ирж буй энэ цаг үед өөрийн гэсэн өнгө аяс, дуу хоолойгоороо бусдаасаа онцгойрч, олонд танигдан, сонсогчдынхоо хайр хүндэтгэлийг хүлээсэн залуу дуучин Лодког уншигчид маань хэдийнээ таньдаг болсон байх.

Олон сайхан хайрын дуугаа сонсогч фэнүүдийнхээ сэтгэлд нь мөнхөлж, өнөө цагийн өнгө төрх болж чадсан чадварлаг дуучин маань сүүлийн үед шинэ цомгийн ажилдаа ороод тун завгүй байгаа бөгөөд саяхан "Мөрөөдөл” дууныхаа шинэхэн клипийг өлгийдөн авчээ.

 Тиймээс бид түүнтэй уулзаж, их ажлынхан хажуугаар цөөн хором ярилцлаа

 -Юуны өмнө танд энэ сайхан өдрийн мэндийг хүргэе. Яриагаа сүүлийн үеийн уран бүтээлийн тань сонин, содноос эхэлье гэж бодлоо?

 - Танд ч гэсэн энэ өдрийн мэндийг хүргэе. Шинэ цомгийнхоо ажилд орчихсон байгаа. Цомгийн маань эхний дуунууд болох "Fly way”, "Чи аялгуу” гээд дуунууд маань цацагдаад багагүй хугацаа өнгөрсөн. Харин өчигдөр цомгийн маань гурав дах дуу болох "Мөрөөдөл” дууны маань шинэхэн клип цацагдсан. Одоо дараагийн уран бүтээлийнхээ ажилд орчихсон байгаа.

 -Нууц биш бол дараагийн дуу ямар дуу байх вэ?

 -Өмнөх дуунуудыгаа бодвол арай ритмлэг дуу гарч байгаа. Яг ямар дуу гэдгийг нь одоохондоо нууц үлдээе.

 -Шинэ цомгийн ажил хэдэн хувьтай явж байна. Нийт хэдэн дуунаас бүрдэх вэ?

 -Шинэ цомогт маань ойролцоогоор 15 дуу багтана. Одоогоор шинэ цомгийнхоо дуунууд дээр ажиллаж байна. 2017 ондоо багтаад цомгоо гаргах төлөвлөгөөтэй байгаа.

 -Хамгийн сүүлд клипжүүлсэн "Мөрөөдөл” дууныхаа тухайд?

 -"Мөрөөдөл” гэдэг дуу бол хуучны орцны дуу байгаа. Би багадаа дуулж өссөн, сэтгэлд хоногшсон дуугаа сэргээж дуулан клипжүүлсэн. Сонсогчдод маань таалагдсан гэдэгт итгэлтэй байна. Клипний тухайд гэвэл, Хайрыг хоёр өөр хүнээр гаргасан байгаа. Нэг нь алиалагч, нөгөө нь балетчин хоёрын дотоод сэтгэлзүй нь ямар байдаг гэдгийг харуулахыг зорьсон.

 -Багадаа дуулж өссөн гэлээ. Ер нь урлагт хэзээнээс хөтлөгдөн орсон бэ?

 - Би цэцэрлэгт байхаасаа л дуулж бүжиглэж эхэлсэн юм. Хүүхдийн "Яргуй" наадамд оролцож байсан, сургуулийнхаа урлагийн үзлэгт ордог байлаа. Сансрын 48-р сургуульд байхдаа найзуудтайгаа "Frendly Frends" хамтлаг байгуулж бүжиглэдэг байсан юм. Арван жилдээ их л идэвхтэй сургуулийн урлагийн үзлэг дууны тэмцээн юу л байна хамгийн түрүүнд явж байдаг хүүхэд байсан. Тэр ч утгаараа одоог хүртэл урлагаасаа хөндийрч чадаагүй дуугаа дуулаад явж байгаа байх гэж боддог. 

-Дуунуудаа өөрөө зохиодог гэж сонссон. Анхныхаа дуугаа хэзээ зохиож байсан бэ?

- Анх тавдугаар ангид байхдаа анхныхаа дууг зохиож байсан. "Мөнхөд хайрын эзэн" дуу бол миний анхны уран бүтээл байсан.

-Өөрөө шүлгээ зохиодог гэхээр хэн нэгэнд зориулсан, эзэнтэй дуу олон байдаг байх?

-Мэдээж байгаа. Би аливаа уран бүтээлийг хийхдээ, хэн нэгэнд зориулж зүрх сэтгэлээсээ хийвэл, хүмүүст хүрэх нь илүү хүчтэй болдог юм болов уу гэж боддог. Тэр ч утгаараа миний зүрх сэтгэлээ зориулж гаргасан уран бүтээлүүд сонсогчдод маань үргэлж уярал ухаарал хайрлаж, ямар нэгэн мессежийг өгдөг байгаасаа гэж хүсдэг.

-Ойрын төлөвлөгөөнд тань тоглолт бий юу?

-Шинэ цомгоо гаргаад тоглолтоо хийхээр төлөвлөсөн байгаа. Эхний ээлжид цомгийнхоо ажлыг дуусгана даа. 

Түүний "Мөрөөдөл" нэртэй шинэ уран бүтээлийг хүргэж байна. 

Т.Гэрэл

uls.mn

 


271
  • Шумуул хүний цусыг хэрхэн сордог вэ? Үзсэн   1097 2014-07-18
  • Бүх цаг үеийн шилдэг 10 хөгжилтэй реклам Үзсэн   859 2015-01-20
  • Үглэнэ гэж үзүүлж байна даа Үзсэн   294 2016-02-17
  • Үхрийн махан хуурга хийх арга Үзсэн   928 2016-12-13
  • Селена Гомез дотуур хувцастай халуухан клипээ цацлаа Үзсэн   437 2016-06-07
  • Өлгийгөө задгайлахыг хүссэн хүү олны хайрыг татаж байна Үзсэн   306 2017-04-11
  • Компьютер тоглоомонд донтсон хүү олны эгдүүцлийг төрүүлэв Үзсэн   1906 2014-07-25
  • Сэрчмаа - Шинэ жил ирлээ /New video/ Үзсэн   568 2015-12-07
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.
    Нэр:*
    И-мэйл:
    Сэтгэгдэл:
    Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler