"Нисдэг таваг"-ууд гэнэт яагаад идэвхжив?

Энэ бичлэгийг Орос, Казахстаны хил дээрх Орск хотод хийжээ. Өөр өөр хэлбэртэй хоёр нисдэг таваг хэрхэн цахилгаан станцын дээгүүр эргэлдэж байгааг доорх видеоноос харна уу. Гэтэл хэдхэн агшны дараа торпедо шиг бас нэгэн нисдэг таваг гарч ирэн асар их хурдтайгаар нисэн өнгөрснөө шууд нүдэн дээр алга болох аж.

Интернэтэд ихээхэн шуугиан тарьж байгаа энэ бичлэгэн дээрх нисдэг биетүүдийг харь гарагийнхны хөлөг байна гэж зарим нь үзэж байна. Харин нөгөө хэсэг хэрэглэгч "Энэ бол сүүлийн үеийн шинэ, нууц байлдааны онгоц зэвсгээ туршиж байгаа хэрэг" гэж тайлбарлав. Хэрэв шинэ онгоц бол аль улсынх болж таарах вэ? Орос уу? Казахстан уу? Ийм олон нисдэг таваг нэг газар бөөгнөрсөн байхыг буулгасан бичлэг цөөхөн байдаг. "Нисдэг таваг"-ууд гэнэт яагаад ийнхүү идэвхжив?