|

Ц.Нямдорж Ерөнхийлөгч Ц.Элбэгдоржийг МАН, АН-ыг самарч хаясан гэв

УИХ-ын чуулганы өнөөдрийн нэгдсэн хуралдаанаар Ерөнхийлөгчийн сонгуулийн өмнөх эдийн засаг, төсөв, санхүүгийн тайланг сонсож гишүүд үг хэллээ.

Энэ үеэр УИХ-ын гишүүн Ц.Нямдорж "Ц.Элбэгдорж гэдэг хүний хувьд Монголын улс төрийн хоёр нам голомтод орсон” гэх хатуухан шүүмжлэлийг хэлэв.

Тэрбээр энэ талаар, "Ер нь Ерөнхийлөгчийн үйл ажиллагаатай холбогдуулж, улс төрийн дүгнэлт хийх хэрэгтэй. Том өнцгөөр нь харвал ажлаа хийж байсан учраас хийсэн ажил харагдана. Ардын үг гээд "онцсайн” дүн тавиулаад яваад байгаа. Ц.Элбэгдорж гэдэг хүний үед Монголын улс төрийн хоёр гол нам голомтод орсон. Ардчилсан намынхан өнөөдөр энд гаслаад сууж байгаа. Хоёр удаа Ерөнхийлөгчийн сонгуулийг нь ахалж, Ерөнхийлөгч болгосон хүнийг унагаад АН-ыг "ком”-д оруулсан, одоо бүүр хэвтэрт орчихсон. Ардын намын нэрийг Н.Энхбаярт өгөх ажлыг Элбэгдоржийн томилсон шүүгч нар хийсэн. Үүнийхээ хүчээр 2013 оны сонгуульд сонгогдсон. Энэ сонгуульд  дахиад хаялга нь гарна. Би Ц.Элбэгдоржид "Чи энэ будлианыхаа учрыг хэзээ олох вэ, чиний энэ үйлдэл хүүхдэд чинь бууна шүү” гэсэн. Ингээд Монголын хоёр том намыг самарчихсан.

ҮАБЗ дээр ашигт малтмалтын хуулиар оролдож, гадаадын хөрөнгө оруулагчдыг үргээсэн. Энэ завсар АН яаж хууль бус зүйл хийхгүй байх вэ. Ингээд эдийн засгийг тэглэсэн. Одоо энэ бүхнээс чинь гарах гэж тамаа эдэлж байна. Та нар ангал руу нисэх зүйл дээр аваад тавьчихсан шүү, АН-ынхан.Шүүх засаглалыг жинхэнэ захиалгат, улс төрийн, дампуу болгосон. Энэ хүний томилсон шүүгч, прокурор юу хийж байна. Гэгээн цагаан өдөр шүүх хурал хийж, хэлмэгдүүлдэг” гэлээ.

 


 
Х.Онон

ZUV.mn


899
  • АТМ ДЭЭРЭМДЭЖ, ИХ ХЭМЖЭЭНИЙ МӨНГӨ АВЧ ЗУГТАЖЭЭ Үзсэн   1337 2017-09-20
  • Beijing 2008. Judo. -100kg. Final. Tuvshinbayar (MGL) v Zhitkeyev (KAZ). Part I Үзсэн   2039 2014-07-17
  • Хүүхэд насны хамгийн том дайсан бол ах /Хөгжилтэй бичлэг/ Үзсэн   1551 2015-07-31
  • Сэрүүн дуганы мөхөл УСК Үзсэн   2951 2015-02-22
  • Хайр хөглөх дуу Үзсэн   1050 2015-11-03
  • Гэр бүлийн хөгжилтэй пранк Үзсэн   754 2020-01-20
  • Леброн Жеймс төрсөн өдрөөрөө Бостон Селтикс багийг буулгаж авлаа Үзсэн   1166 2016-12-30
  • Хүүхнүүдийн авъяас /сонирхолтой бичлэг/ 18+ Үзсэн   2685 2014-08-10
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.