Г.Энэрэл, Ю.Балжидмаа нар шинэ уран бүтээл хийжээ

Олон нийтийн дунд "Опозит” хамтлагаар танигдсан реппер Г.Энэрэл шинэхэн уран бүтээлээ загвар өмсөгч Ю.Балжидмаатай хамтран хийжээ. Тэрбээр эмэгтэй хүний гоо сайхан, хайр энхрийллийн тухай дуулжээ. Түүний сүүлийн үеийн уран бүтээл нь эмэгтэй хүн, хайр дурлалын сэдвийг хамрах болсон нь нууц биш билээ.

Г.Энэрэл нэгэн ярилцлагадаа "Би өөртөө зориулж дуу хийдэг. Зарим нь ойлгож сонсоод, зарим нь ойлголгүй сонсчихдог юм шиг. /инээв/ Гэхдээ дуу хөгжим гэдэг өөрөө урлаг. Урлагийг бусдад таалагдах гэж хийдэггүй. Би хар багаасаа раям бичих дуртай, байнга хөгжим сонсч явдаг хүүхэд байсан. Тиймдээ ч эл урлагт багаасаа өөрийгөө бэлдсэн гэж боддог.” хэмээн хэлж байсан удаатай.