Ангийнхандаа шүтэн бишрэгддэг хөөрхөн Энжи
Авьяаслаг Монголчууд шоунаас төрөн гарсан хөөрхөн чоно Энжиг танихгүй хүн байхгүй биз. Тэрээр дуучин Чулуунчимэгийн Зүгээр л инээмсэглэ дууг дуулснаар мөн л олны хайрыг татсан. Хөөрхөн адтай жижигхэн чоно маань NTV телевизийн Гэр дүүрэн охид кинонд гол дүр бүтээсэн. Авьяаслаг, хэрсүү охин маань Чөлөөт эмэгтэйчүүд нэвтрүүлгийн шинэхэн дугаарт оролцож хөөрхөн яриа өрнүүлжээ. Түүнээс ямар мэргэжилтэй болох талаар асуухад эргэлзээгүй "Жүжигчин" хэмээн хариулсан байна. Хөтлөгч түүнээс "Чи гоё дуулдаг юм чинь дуучин болохгүй юм уу?" хэмээн асуухад бяцхан охин "Хоёуланг нь зэрэг хийчихэж чадна ш дээ би" хэмээжээ. "Кино зургийн явцад уйлах шаардлагатай болбол Энжи шууд л уйлчихдаг бөгөөд найруулагчдаа хандан "За найруулагчаа би ганцхан дубль л явна шүү. Эхнийх дээрээ л уйлна" гээд шууд уйлж эхэлдэг гэнэ. Тэрээр хамтран жүжиглэж байсан жүжигчиндээ "Аниа та уйлж чадахгүй байвал ээжийгээ өвдчихвөл яах вэ? Үхчихвэл яах вэ? гэж бодоорой за" хэмээн нөхөрсөг зөвлөгөө өгч байсан удаа ч бий ажээ. Түүнд жүжигчин мэргэжлийн хамгийн гоё нь олон хүмүүс өөрийг нь таньдаг байх таалагддаг бөгөөд "Манай ангийнхан бүр намайг шүтэн биширдэг" хэмээн онгироод авчээ.
Чөлөөт эмэгтэйчүүд нэвтрүүлэг :
