Данийн компани модоор хийсэн унадаг дугуй бүтээжээ

Унадаг дугуй нь бидний эрүүл мэнд болоод эдийн засагт хамгийн тустай тээврийн хэрэгсэл. Учир нь мөнгө хэмнэхээс гадна бидний эрүүл мэнд, идэвхтэй амьдралын хэв маягт суралцахад ямагт эерэг нөлөө үзүүлдэг. Нөгөө талаар, Хөгжингүй орнуудад зах замбараагүй өсөн нэмэгдэж байгаа шигүү хотжилт, төвлөрлөөс үүдэлтэй замын түгжрэлийг арилгах, хөдөлгөөний эрчмийг нэмэгдүүлэх шийдэл гэж үзэн унадаг дугуйн хэрэглээг хот төлөвлөлтийн салшгүй нэг хүчин зүйл болгон анхаардаг болжээ.

Дани улсын нийтийн тээврийн хэрэгслээр зорчиход зориулагдсан нийт замын 40 хувь нь зөвхөн унадаг дугуйнд зориулагдсан байдаг. Дугуйн тээврийн хэрэгсэл хамгийн өргөн дэлгэр хэрэглэгддэг гэдэг утгаараа, Данийн зохион бүтээгчид, бүх эд ангийг нь модоор хийсэн, модон дугуй бүтээсэн байна. Нөгөө талаас, дугуйг модоор бүтээх нь хөнгөн цагаан, карбон файберээс ч илүү эрчим хүчний үр ашигтай байдаг байна. Зохион бүтээгчид, уг эко дугуйг бүтээхдээ, яшил мод, болон хушганы модыг ихэвчлэн ашигладаг байна.

Мөн дугуйны зарим эд ангийг бүтээхэд хулс модыг ч ашигладаг байна. Анх модон дугуйг зохион бүтээж, 5 жилийн өмнөөс худалдан борлуулж эхэлсэн байна. Одоогийн байдлаар, Дани улс төдийгүй дэлхийн хэд хэдэн оронд уг эко модон дугуйг ашиглаж байна. Данийн хэд хэд компани өөрийнхөө бүх ажилчдад, уг дугуйг худалдан авч өгсөн байна. Дугуйны үнэ 700 евро буюу ойролцоогоор 1043 америк долларын үнэтэй. Гэхдээ, тэд модон дугуй зохион бүтээсэн бас анхны зохион бүтээгчид биш юм. Өнөөдрийн байдлаар, дэлхий даяар 250 дизайнер болон компаниуд өөр өөрийн гэсэн технологиор модон дугуйг бүтээж байна. Дэлхийн хамгийн анхны модон дугуйг Нидерландад 1980 онд зохион бүтээж байсан байна.

Сонирхуулахад, дэлхийн хамгийн том дугуйн зогсоол, Нидерланд улсад байдаг бөгөөд, 17 мянган квадрат метр талбайд, 12,500 дугуйн зогсоол барьсан байдаг байна.