Их тэсрэлтийн онолын тухай КИНОГ YOUTUBE-д үнэгүй байршуулжээ
Нэрт эрдэмтэн Стивен Хокингийн докторын ажлыг саяхан олон нийтэд нээлттэй болгосон. Тэгвэл түүний олон Жеймс Хартл, Томас Хертог тэргүүтэй эрдэмтдийн дэвшүүлсэн "Хязгаар үгүй санал” хэмээх орчлонгийн загварыг тайлбарласан 50 минутын киног Youtube-д байршуулжээ.
Стивен Хокинг өөрийн докторын ажилдаа "Эйнштейны харьцангуйн онол ёсоор ертөнцөд ЭХЛЭЛ байх ёстой байсан боловч харьцангуйн онолд хэрхэн эхэлсэн тухай байхгүй байсан. Тиймээс түүнийг нь тайлбарлах” гэж хичээсэн хэмээн цахим хуудсандаа бичжээ.
Тэрээр "Түүнээс хойш би судалгааны бүх ажлаа ертөнцийн үүслийг таньж мэдэхэд зориулсан юм. Харин миний олон жилийн турш бодож, боловсруулсан ертөнцийн загварын тухай өгүүлэх шинэхэн кино Youtube дээр үнэ төлбөргүй байршиж байна.
Жеймс Хартл, Томас Хертог болон бусад хүмүүсийн хамт бид үүнийг төсөөлөн бодсон юм. Харин энэхүү кинонд "Их Тэсрэлтээс өмнө 5: Хязгаар үгүй санал” хэмээх энэхүү кинонд би та бүхэнд орчлон, ертөнцийн хамгийн гүн нууцыг квант үүсэл хэрхэн тайлбарлаж чадахыг үзүүлэх болно. Та бүхэнд таалагдана гэдэгт итгэлтэй байна” гэжээ.
Яагаад цаг хугацаа нэг л зүгт чиглэдэг юм бол? Эсвэл олон зэргэлдээ ертөнц байдаг уу? Орчлон ганцхан цэгээс эхэлсэн гэдгийг хэрхэн тодорхойлох вэ?
