|

iPhone X бол хамгийн ҮНЭТЭЙ бас хамгийн ХЭВРЭГ утас

 

Энэ сарын эхээр албан ёсоор худалдаанд гарсан iPhone X ухаалаг утсыг Apple компани маш бат бөх шилээр хийсэн гэж өмнө нь мэдэгдэж байсныг та бүхэн санаж байгаа биз ээ. Тэгвэл цахилгаан хэрэгсэлд баталгаа олгодог Square Trade компани шинэ iPhone X-ийн бат бөх байдлыг шалгасан хэд, хэдэн туршилт хийсэн байна.

Тухайлбал тэд iPhone X ухаалаг утсыг 180 см өндрөөс бетон гадаргуу дээр нүүрэн хэсэг, ард болон ирмэгээр нь унагаж үзжээ. Туршилтын үр дүнд ухаалаг утасны дэлгэц ба арын шил хагарч, OLED дэлгэцэнд доголдол үүсч, FaceID ажиллахаа больсон байна. Мөн тус компани iPhone X-ийг эргэлддэг модон хайрцагт 60 секундийн турш хийж туршсан байна. Үүний үр дүнд мөн л FaceID ажиллахаа больж, арын шил цуурч, утасны ард хэсгийн хавтан нь салсан байна. Сонирхуулахад CNET вебсайт 90 см өндрөөс iPhone X утсыг унагаж туршсан бөгөөд үр дүн нь мөн л дээрх туршилттай ижил гарчээ.

Square Trade компани туршилтын үр дүнгээс үндэслэн iPhone X утсыг "Хамгийн хэврэг, өндөр үнэтэй бас засварлахад ч хамгийн үнэтэй iPhone" гэж тодорхойлсон байна. Сануулж хэлэхэд iPhone X утасны дэлгэцийг засварлахад 249 ам.доллар болох бол бусад төрлийн гэмтлийг засварлахад нийт 549 ам.долларын үнэтэй болох гэнэ.

 


1131
  • Сүнсний баяраар онцгой нүүр будалттай байхыг хүсвэл үүнийг үзээрэй (video) Үзсэн   956 2016-10-29
  • Galaxy Nail Үзсэн   1797 2014-07-28
  • "Дүнжингарав 2018" уралдааны бичлэгийг задаллаа Үзсэн   1664 2018-03-26
  • Монголын танкчид 36 багаас 34 байрт орлоо (БИЧЛЭГ) Үзсэн   4988 2014-08-14
  • Бичлэг: Өсвөрийн сагсчид ОХУ-ын тамирчдыг 16:118-аар хожиж шуугиан тарьлаа Үзсэн   1509 2016-12-28
  • Эргэн дурсахад АЛТ АЛТ АЛТ Үзсэн   1366 2014-08-25
  • Ингэж дуулна гэж бодсонгүй Үзсэн   992 2016-01-29
  • Despacito - Love story Үзсэн   1343 2017-08-10
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.