“Хүн мод” киноны дуу “Баярлалаа”
Соци нийгмийн үед бүх нийтээрээ шахуу тоглож байсан гэхэд хилсдэхгүй гитар хөгжмийг ардчилсан нийгэм хэсэг мартаж орхисон гэж хэлж болохоор. Харин сүүлийн 10 гаруй жилд Гитар хөгжмийг тоглох, сонирхох залуус нэмэгдэж, гитарыг жинхэнэ утгаар нь эзэмшиж эхэлжээ.
Үүний нэг Гитар хочит дуучин Гантулга. Алдарт Румба-г тоглож, гитар уйлуулдаг тэрээр олон ангит киноны гол дүрийг бүтээсэн чамгүй хөдөлмөрч нэгэн аж. Хамгийн сүүлд тэрээр "Guys” хамтлагийн дуучин, жүжигчин, найруулагч А.Төгсбаярын бүтээл "Хүн мод” уран сайхны киноны дууг дуулж олны сонорыг мялаажээ. "Баярлалаа” хэмээх эерэг сайхан нэртэй тус дууг МУАЖ П.Цэрэндагва, Тулгаа, А.Төгсбаяр нар хамтран дуулсныг хүргэе.
