Жагсаал гэж энийг хэлдэг юмаа
Авилгын эсрэг томоохон жагсаал Румын улсад 2017 оны 2 дугаар сард болж байлаа. Энэ жагсаал нь коммунист дэглэм нуран унаснаас хойш хамгийн олон хүнийг хамарсан жагсаалд тооцогдож түүхэнд тэмдэглэгдэн үлдсэн. Авилгачдыг "өөгшүүлсэн" хуулийг батлахаас нь өмнө 500 мянган Румынчүүд төв талбайдаа жагсаж Засгийн Газрын шийдвэрийг тогтоож чадсан билээ. Тэгвэл жилийн дараа Румынчүүд авилгын эсрэг Засгийн Газраас дорвитой арга хэмжээ авахгүй байгааг эсэргүүцэж дахин бослоо. 1-р сарын 21-ний өдөр нийслэл Бухарест хотын төв талбайд болсон жагсаалд 70 гаруй мянган хүн оролцсон бол өөр олон хотуудад ийм эсэргүүцлийн жагсаал зэрэг болжээ. Дэлхийн хэвлэлүүд "Румынчүүд авилгачидтай тэмцэх урам зоригийг өгч байна" гэж бичиж байна.
Жагсаал гэж энийг л хэлдэг байх. Хамгийн их улс төрждөг орон гэвэл манайх бараг толгой цохих биз. Тэр нь юугаар илэрдэг вэ гэхээр, чуулганы хэрүүлийг шүүрч аван хов жив болгон чалчих, хүүхэд хөгшидгүй удирдлага булаалдан улс төрийн хэрүүлээр тархиа дүүргэх, жагсаал цуглаанархуу юм нь ардаа дандаа эзэнтэй. Хэдэн төгрөг авчихаад юу хийж яваагаа ойлгоогүй лоозон тэврээд талбайгаар эргэлдэх зэргээс харж болно.
Хааяа нэг утаа униар гээд сэтгэл гаргаад жагсаж байгаанууд нь нөгөө хэдэн хошин шогийн гаруудаасаа болоод олигтой ч мессэж өгч чадахаа больчихсон. Монголд жагсаал цуглаан нэг л тийм ТАВИЛТТАЙ харагддаг нь үнэн. Бид улс төрийн хов живээс салж өөрт хамааралтай асуудалд нухацтай хандан Румынчүүд шиг сэтгэлийн дуудлагаар жагсаж суртал хол байна даа хөөрхий.
2017 оны 2 дугаар сард болсон жагсаал
2018 оны 1-дүгээр сарын 21-нд эхэлсэн жагсаал
Бэлгэсэн:А.Уян
Эх сурвалж:Factnews.mn
