Одессын яргаллыг дэлхий эмгэнэн дурсч байхад Украин дахиад дайн эхлүүллээ /video/
Дэлхий дахин Одессын яргалалд амиа алдагсдыг дурслаа. Украины Одесс
хотод өөрсдийн эрхээ хамгаалахаар гудамжинд гарсан олон гэм зэмгүй
хүнийг өнгөрсөн жил Киевийн эрх баригчид харгис хэрцгийгээр хөнөөсөн
билээ.
Амь гарахын тулд Үйлдвэрчний эвлэлийн ордонд нуугдсан украинчуудыг
галдан шатааж, шархадсан хүмүүсийг газар дээр нь шууд алж буудаж байгаа
зургууд дэлхий нийтийг шоконд оруулсан. "Украинд төрийн эргэлт хийн
засгийн эрхэнд гарсан хүмүүс зориуд ийм харгис хэрцгий залхаан
цээрлүүлэх ажиллагаа явуулж, яргалал үйлдсэн нь бусдыг айлган сүрдүүлж,
сануулга болгох зорилго агуулсан" гэж зарим шинжээч үзэж байна.
Энэ жил дэлхийн олон оронд Одессын яргалалд амиа алдагсдыг дурсч,
жагсаал цуглаан хийлээ. Хамгийн олон хүнтэй жагсаал Канадын Торонтод
болжээ. Жагсагчид 2014 оны 5-р сарын 2-нд Одесс хотод болсон энэхүү
аймшигт гэмт хэргийн шалтгааныг тодруулж мөрдөх ажиллагаа явуулахыг
шаардсан байна.
Яг энэ үед Украины дорнод нутагт нөхцөл байдал дахиад хурцадлаа.
Украины эрх баригчид Донбассыг хүнд их буу, танкаар шөнөжин бууджээ.
Сүүлийн хэдэн сард үзэгдээгүй хүчтэй энэ буудлагад нийт 9 хот суурины
орон сууцны байрууд, сургууль цэцэрлэг, эмнэлэг өртсөн байна. Хүний амь
нас эрсдэж, 10-аад хүн шархадсан төдийгүй 10 гаруй цэгт гал түймэр
шатсаар байна. Ийнхүү Донбасст арай гэж засварлаж янзлан хичээл
сургууль, үйлчилгээ явуулж байсан олон байшин нурж сүйрэн усан хангамж
тасарчээ.
Уг нь Минскийн гэрээ хэлэлцээрийн дагуу Украины арми өөрийн их буу,
хүнд зэвсэг техникээ холдуулах ёстой байсан. Гэвч тэд удаа дараа
хэлэлцээрийг зориудаар зөрчсөөр байна. Тэр бүү хэл урьд өмнө Украины
Зэвсэгт хүчинд огт хэрэглэж байгаагүй зарим зэр зэвсгийг энд ашиглажээ.
Зөвхөн НАТО-гийн армид ашигладаг 122-152 мм-ийн калибртай их буугаар
буудсан гэж цэргийн шинжээчид мэдэгдлээ.
www.mnews.mn
