“ТЭР ОЛОН ТОЛГОЙ ЯАГААД ГУРАВХАН САЯ ХҮНИЙГ САЙХАН АМЬДРУУЛЖ ЧАДАХГҮЙ БАЙНА ВЭ”
"Ерөнхийлөгчийг загнадаг эмэгтэй” гэх нэрээр сошиалд "од” болж буй эмэгтэйн хэлсэн үг, бичлэг, зураг олон нийтийн сүлжээгээр ёстой л "эрч”-ийг аваад буй.Түүний хэлсэн үгнээс хүмүүс ишлэж дор бүрнээ "Яагаад НӨАТ-ын буцаан олголт өгөхгүй баймаамбээ”, "Таван ес эхэлчихээд байхад яагаад дулаардаггүйм бээ”, Яагаад том солилцоо болохгүй байгаанбэ??? Тоглогчид яагаад гэмтсээр байгаа юм бэ??? гэх зэргээр хүмүүс хошигнох болсон.
Бүсгүйг Г.Батмөнх гэдэг. Тэрбээр СХД-ийн XIX хороонд оршин суудаг бөгөөд өнгөрсөн сарын 20-нд Ерөнхийлөгч Х.Баттулга тус хорооны иргэдтэй уулзах үеэр өөрийн бухимдаж яваа зүйлсээ хэлсэн. Тэрбээр Ерөнхийлөгчийг тачигнатал загнасан шигээ өөрөөс нь ярилцлага авсан сэтгүүлчийг ч бас "загнаж” орхисон бололтой.
Хэвлэлд өгсөн ярилцлагадаа тэрбээр "Гуравхан сая хүнтэй, маш их баяртай хэр нь яагаад Швейцарь шиг хөгжихгүй байгаа юм бэ, Төрийнд ордонд 76 хүн сууж байна. Тэр олон олгой яагаад гуравхан сая хүнийг сайхан амьдруулж чадахгүй байна вэ” гээд Ерөнхийлөгч Х.Баттулга иргэдтэй уулзах үеэр хэлсэн үгнийх нь төлөө хорооны ажилтан түүнийг УИХ-ын дарга М.Энхболдын нэрийг дурдлаа гэж уурласанд гайхаж эгдүүцэж байгаагаа илэрхийлсэн байна лээ. Түүнчлэн өөрийг нь сошиалд шоглож байгаа хүмүүсийг өрөвдөлтэй л гэж хэлнэ гэжээ.
Г.Батмөнх бүсгүй БНСУ-д 12 жил амьдраад 2013 онд эх орондоо иржээ. Солонгос,Англи хэлний орчуулагчаар ажилладаг төдийгүй хувьдаа ТҮЦ ажиллуулдаг аж.
