Япончууд таны өмнөөс бүгдийг хийж гүйцэтгэх ухаалаг суултуур зохион бүтээжээ

Япончууд 11 мянган долларын үнэ бүхий "Toto Neorest NX2” хэмээх ухаалаг суултуур зохион бүтээсэн нь хэрэглэгчдийн талархлыг хүлээгээд байна. Энэхүү ухаалаг бүтээгдэхүүн нь таны өмнөөс бүгдийг хийж гүйцэтгэнэ. Өөрөөр хэлбэл, ариун цэврийн өрөөнд дөхөж очмогц суултуурын таг өөрөө автоматаар өргөгдөхөөс гадна суудал нь халдаг байхаар тохируулж болно. Сонирхолтой нь, ариун цэврийн цаас хэрэглэх шаардлага ер гарахгүй. Бие засаж дууссаны дараа шүршигч хоолойгоор таны бохирдсон хэсгийг угааж, цэвэрлэн дулаан агаар үлээж хатаана.

Түүнчлэн, суултуурт дезодрант суурилуулсан тул эвгүй үнэр автоматаар дарагдах бөгөөд "Tornado Flush” хэмээх ухаалаг системийн тусламжтайгаар бохирдсон гадаргууг өөрөө цэвэрлэдэг байхаар зохион бүтээжээ. NX2 буюу ионжсон ус нь ямар ч бактерийг найдвартай устгах юм. Ингээд та ариун цэврийн өрөөндөө бие засахаас өөр ямар ч үйлдэл хийх шаардлагагүй болжээ. Бүр суултуурын таганд хүрэх ч шаардлагагүй бөгөөд босоод явмагц өөрөө хаагдана.

Б.Мөнхтуяа