Гагарины хөшөөг буулгав (бичлэг)
Дэлхийн анхны сансрын нисгэгч Юрий Гагаринд зориулж Сербийн нийслэл Белград хотод сүндэрлүүлсэн өвөрмөц хөшөө нэг ч долоо хонолгүй буулгагджээ. Хотын оршин суугчид уран барималчийн хийсэн бүтээлийг шоолж инээх болсон тул хотын захиргаа хөшөөг яаравчлан буулгахаар шийджээ. Хөшөө дэндүү тэнэг харагдаж байсан учраас Дөрөвдүгээр сарын 01-ний хожимдсон хошигнол мэт санагдсан аж.
Европ тивийн бараг тэн хагас нь Гагарины жижигхэн толгой нүсэр том чулуун тавцан дээр сүндэрлэж буйг хараад шоолж инээлдсэн. Хөшөөний доор очих юм бол хэний хөшөө гэдэг нь харагдахгүй байсан гэнэ. Удахгүй энэ хөшөөний оронд шинэ, арай аятайхан хөшөө сүндэрлэнэ гэдгийг хотын захиргаанаас мэдэгджээ.
