Хоёр гар дээрээ алхдаг хүн од болж байна

Этиопын хойд хэсэгт орших Тиграй мужийн иргэн, 32 настай Дирар Абохой хүүхэд наснаасаа эхлэн сургуулилт хийсний ачаар хоёр гар дээрээ чөлөөтэй алхдаг болжээ. Одоо түүнд хөл дээрээ биш гараараа алхах нь илүү эвтэйхэн байдаг гэнэ. Дирар гараараа ууланд авирч, акробатын үзүүлбэр үзүүлэх зэргээр бүхий л үйлдлүүдийг чадварлаг хийж чадна. Тэр ч бүү хэл, гараараа машин түрж, гар дээрээ алхангаа ачаа бараа зөөдөг байна.

Тэрээр Хятад, Америкийн тулаант киног багаасаа үзэж, үйл хөдлөлийг дууриадаг байсан нь ийм онцгой чадвартай болоход нөлөөлжээ. Сонирхолтой нь, Дирар кинонд ямар ч эвлүүлэг, эффект ордоггүй бүх зүйл бодит хэмээн итгэдэг байсан тул дэлгэцээс харсан бүх зүйлээ дууриаж,  гар дээрээ алхаж сурсан ажээ. Саяхан BBC агентлагт өгсөн ярилцлагадаа Геннисийн амжилтыг эвдэхийн тулд өдөрт зургаан цаг хичээллэдэг байсан тухайгаа дурссан байна.

Түүний бичлэг интернэтэд цацагдсан даруйд хэвлэлүүдийн анхаарлын төвд орж, олон нийтийг хоёр талцуулаад байна. Зарим нь түүнийг гайхалтай авьяастай нэгэн гэж үзэж байхад нөгөө хэсэг нь эрүүл сайхан хөлөөрөө хорвоог туулах нь дээр шүү хэмээн зөвлөсөн гэнэ.

Б.Мөнхтуяа