Game 7: "Хаан" Жэймс Бостоны хүүхдүүдэд хичээл заав
NBA-гийн Дорнод бүсийн финалын 7 дaхь тоглолт өнөөдөр боллоо. Хаан Жэймсийн удирдсан "Морьтон цэргүүд " өнөөдөр Бостон хотноо гэртээ харих, цааш үргэлжлүүлэх эсэхээ шийдсэн чухал тоглолтыг хийв. Энэхүү үүргээ Л.Жэймс тэргүүтэй Кливлэндийн залуус гайхалтай биелүүлж цувралын харьцааг 4-3 болголоо. "Хаан" Жэймс өнөөдөр гайхамшиг бүтээж 48 минут тоглон, 35 оноо, 15 самбараас бөмбөг авалт, 9 оновчтой дамжуулалт хийн, 2 блок хийв. Ингэснээр Л.Жэймс есдэх удаагаа NBA-гийн финалд шалгарлаа. Л.Жэймсд өнөөдөр Ж.Грийн маш их тус болон 19 оноо түүж, 8 удаа самбараас бөмбөг шүүрчээ.
Тоглолтын эхний үед Бостонгийн залуус 26-18 харьцаагаар илүүрхэн фэнүүдээ баярлуулсан. Энэ үед Л.Жэймс багийн 18 онооны 12 авсан байлаа. Удаах үе Кливлэндчүүд ялимгүй илүүрхэж тооны харьцааг 39-43 харьцаагаар өндөрлүүлэв.
Илт давамгайлал авахгүй бол боломж олдохгүйг ухамсарлсан Кливлэндчүүд гуравдугаар үед 20 оноо аван, 12-ыг алдав. Төгсгөлийн дөрөвдүгээр үед Бостончууд сүүлийн 2-3 минутад оноогоо ахиулж чадахгүй байсаар 79-87 харьцаагаар ялагдал хүлээв.
Ж.Р.Смит 12 оноо, 4 самбар
Ж.Грийн 19 оноо, 8 самбар
Т.Томпсон 10 оноо, 9 самбар
.Нэнси 10 оноо, 7 самбар
Ж.Хилл 6 оноо, 2 самбар, 2 дамжуулалт
Бостон Селтикс
Ж.Браун - 14 оноо , 6 самбар
Маркус Моррис - 14 оноо 12 самбар
Ал Хорфорд - 17 оноо , 4 самбар
Жэйсон Татум 24 оноо , 7 самбар
