Олонд танигдаагүй 10 тэрбумтан
Тэрбумтнууд үргэлж олны анхаарлын төвд байдаг. "Microsoft"-ийн үүсгэн байгуулагч Билл Гейтс, "Amazon" компанийн Жефф Безос, телевизийн алдарт хөтлөгч Опра Уинфри гэх мэт олонд танигдсан баячуудын мэдээлэл хэвлэлээр дүүрэн байдаг шүү дээ. Тэд "TED Talk"-д орж, ном бичиж, залууст хэрхэн амжилтад хүрэх талаараа зөвлөдөг. Харин нөгөө талд ном бичдэггүй, олон нийтийн сүлжээнд ордоггүй (твиттер, фэйсбүүк гэх мэт), тэдгээрийг ашиглахыг ч хүсдэггүй, зөвхөн ажлаа хийж, бизнестээ анхаардаг нууцлаг баячууд бий. Тэгвэл энгийн амьдралыг эрхэмлэгч, ажилдаа улайрагч тэдгээр даруухан баячуудыг гадаадын нэгэн эх сурвалж нэрлэсэн байна. Та тэднийг харж байгаагүй, танихгүй байж болох ч компани эсвэл алдартай брэндийнх нь нэрээр шууд л таних болно.
Сергей Брин (Sergey Brin)
Нийт хөрөнгө: 47.5 тэрбум доллар
"Google"-ийг үүсгэн байгуулагчдын нэг, "Alphabet"-ийн захирал.
Бернард Арнолт (Bernard Arnault)
Нийт хөрөнгө: 72 тэрбум доллар
"Christian Dior" болон "LVMH"-ийн захирал.
Ма Хуатэн (Ma Huateng)
Нийт хөрөнгө: 45.3 тэрбум доллар
Интернэт, технологийн компани болох "Tencent Holdings"-ийг үүсгэн байгуулагч, захирал.
Франсуаза Беттенкур Мейерс (Francoise Bettencourt Meyers)
Нийт хөрөнгө: 42.2 тэрбум доллар
"L’Oréal"-ийн захирал, өв залгамжлагч.
Хуй Ка Ян (Hui Ka Yan)
Нийт хөрөнгө: 30.3 тэрбум доллар
Үл хөдлөх хөрөнгийн "China Evergrande" группийн хамгийн их хувьцааг эзэмшигч.
Жорже Пауло Леманн (Jorge Paulo Lemann)
Нийт хөрөнгө: 27.4 тэрбум доллар
Хөрөнгө оруулалтын "3G Capital"-ыг үүсгэн байгуулагчдын нэг. Энэ нь "Heinz", "Burger King", "Anheuser-Busch" зэргийг эзэмшдэг.
Карлос Слим Хелу (Carlos Slim Helu)
Нийт хөрөнгө: 67.1 тэрбум доллар
Боловсрол, эрүүл мэнд, цахилгаан эрчим хүч, үл хөдлөх, технологи, эдийн засаг, спорт зэрэгт олон салбарт охин компанитай "Grupo Carso" группийг эзэмшигч.
Мукеш Амбани (Mukesh Ambani)
Нийт хөрөнгө: 40.1 тэрбум доллар
Байгалийн хий, газрын тосны салбарт тэргүүлэгч Энэтхэгийн компани "Reliance Industries"-ийн захирал.
Сюзанна Клаттен (Susanne Klatten)
Нийт хөрөнгө: 25 тэрбум доллар
"BMW" -ийн 19 хувийн хувьцаа эзэмшигч, "Altana"-гийн 50.1 хувийн хувьцааг өв залгамжилсан алдартай хөрөнгө оруулагч.
Амансио Ортега (Amancio Ortega)
Нийт хөрөнгө: 70 тэрбум доллар
"ZARA" брэндээр олонд танигдсан, хувцас загварын "Inditex" компанийг үүсгэн байгуулагч.
