|

ЖҮЖИГЧИН БҮСГҮЙН ТОЛГОЙГ 1.5 САЯ ДОЛЛАРААР ҮНЭЛЖЭЭ

Энэтхэгийн эрх баригч BJP намын гишүүн Энэтхэгийн жүжигчин, найруулагч бүсгүйг хөнөөсөн хүнд 1.5 сая долларын шагнал өгнө гэж амлажээ. Улстөрч Сурайпал Сингх Амуд саяхан гарсан "Падмавати” хэмээх киноны танилцуулга таалагдаагүй бололтой. Энэ киноны гол дүрд Дипика Падукон хэмээх жүжигчин бүсгүй XIV зууны Энэтхэгийн хатны дүр бүтээсэн ажээ.

Киноны үйл явдал Суфийн агийн ёс баримтлагч Малик Мухаммад Жаясийн 1540 онд бичсэн найраглалын гол баатар Падмавати хатны тухай домгийг үндэслэн хийгджээ.

Падмавати нь Ратан Сен хэмээх ражпутийн удирдагчийн гэргий байжээ. 1303 онд лалын хүчирхэг турк афганы Делийн султануудын удирдагч Аль-аддин Хильжи ражпутуудын бахархал болох Читторгарх хотыг эзлэн авч гэнэ. Уг найраглалд тэд гоо хатан Падмаватиг булаан авахыг юуны түрүүнд санаархсан гэнэ. Хотыг хамгаалж байсан эрчүүд эцсийн хүнд тулаандаа орж, үхэхээсээ өмнө аль болох олон дайсныг хөнөөхөөр болжээ. Харин Падмавати булаан эзлэгсдэд баригдахгүйн тулд хотын бусад эмэгтэйчүүдтэй хамт ёс заншлын дагуу өөрсдийгөө шатааж, ариун нэр төрөө хамгаалан авч үлддэг байна.

 

Гэтэл эрх баригч намын улстөрч энэхүү кино нь хүмүүсийг төөрөлдүүлж, индус хүн амыг гутаан доромжилсон гэж үзсэн байна. Ингээд "Бид түүний толгойг авсан хүмүүсийг шагнаж, гэр бүлд нь анхаарал тавих болно” хэмээн "India's Asia's Premier News”-т өгсөн ярилцлагадаа дурджээ. Түүнчлэн 12 дугаар сарын эхний долоо хоногоор үзэгчдийн хүртээл болохоор төлөвлөгдсөн "Падмавати” киног гаргахгүй, кинотеатрууд гаргавал тэдгээр театрыг шатаана гэж сүрдүүлсэн байна.

Харин Падмавати киноны дүрд тоглосон Болливудын жүжигчин Дипика Падукон хичнээн сүрдүүлэг ирсэн ч киногоо гаргана гэжээ. Энэ киноны зураг авалт эхэлсэн цагаас хойш иймэрхүү заналхийлэл, сүрдүүлэг их ирж байгаа гэнэ.

Хүмүүс киноны найруулагчийг баримтыг гажуудуулсан гээд киноны триллерт индус хатан лалын булаан эзлэгчтэй амрагласанд дургүйцэж байгаа ажээ. Үүнийг кино найруулагч үгүйсгэж, киноны үйл явдлыг дунд зууны үеийн суфийн найраглалд үндэслэсэн гэжээ. Харин зарим шинжээчид Падмаватиг түүхэн хүн биш, зохиомол, ардын аман зохиолын дүр болохоор уран сайхны бүтээл гэж үзэж байна.

Тэгвэл хүний эрхийг хамгаалагчид Засгийн газрыг улстөрчийнхөө гаргасан сүрдүүлэгт анхаарахгүй бол ардчилсан нийгэмд нэг нь нөгөөгөө хөнөөнө гэж сүрдүүлдэг үйл явдал давтагдаж мэднэ шүү гэж анхааруулсан байна.



539
  • З.Баянсэлэнгэ: Ерөнхийлөгч, би ерөнхийлөгч байх хугацаандаа Гачууртын ордыг ухуулахгүй гэсэн... /Видео/ Үзсэн   542 2015-06-19
  • Ээжийн бүүвэй (Mongolian version) Eejiin Buuvei Oyuntulhuur ОЮУНАА 天の子守歌 Үзсэн   2408 2014-07-15
  • Валериан киног хийх явц Үзсэн   382 2017-08-09
  • Дүү нарыг өрөвдчихлөө бүр :) Үзсэн   428 2015-10-06
  • Жүжигчин Аглуу "Эх орны дуудлаг"-ийг эхлүүллээ Үзсэн   1623 2014-08-27
  • ССАЖ сайд Ц.Оюунгэрэлийн төрсөн дүү Ц.Батыг цагдан хорьлоо (БИЧЛЭГ) Үзсэн   744 2014-08-19
  • Японы сүнсний түүхүүд (Монгол хадмал) Үзсэн   341 2018-06-28
  • Гэр бүлийн хамтлаг - Аавын үргэлжлэл /1-р шат/ Авьяаслаг Монголчууд 2016 Үзсэн   1305 2016-09-05
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.
    Нэр:*
    И-мэйл:
    Сэтгэгдэл:
    Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler