|

ТУРКМЕНИСТАНЫ ЕРӨНХИЙЛӨГЧ РЭП ДУУ ДУУЛЖ, АРД ТҮМНЭЭ БАЯСГАВ

Каспийн тэнгисийн эргийн Аваза амралтын газарт амарч буй Туркменистан улсын Ерөнхийлөгч Гурбангулы Бердымухамедов ач хүүгийн хамт дуу зохиосноо саяхан ард түмэндээ дуулж сонирхуулжээ. Амралтынхаа хоёр дахь өдөр тэр ач хүү Керимгулын хамт шинэ дуу зохиосон тухай тус улсын төрийн мэдээллийн TDH агентлаг саяхан мэдээлсэн юм.

Уг мэдээнд өгүүлснээр эхний өдрийг дугуй унаж, гимнастикийн дасгал хийж өнгөрөөсөн удирдагч мөн шүлэг зохиосон гэнэ. Харин хоёр дахь өдөр "Спортлог Туркменистан” дууныхаа хөгжмийг зохиосон байна. Керимгулы зохиосон аяа өвөөдөө сонсгож, саналыг нь авсан тухай мэдээлжээ.

Ерөнхийлөгч өвөө нь түүнд энэ дуу нь уламжлалаа хадгалсан байхаас гадна орчин үеийн хэмнэлийг тусгасан байх хэрэгтэй гэсэн зөвлөгөө өгсөн гэнэ. Ингээд тэд хамтарч шинэ дуугаа дуусгаад англи, туркмен хэл дээр дуулснаа видео дүрс болгон тараажээ. Тус улсад удахгүй болох "Амул-Хазар 2018” автомашины уралдаанд энэхүү дуугаа зориулж байгаа гэнэ. Туркменистан улсын Ерөнхийлөгч Гурбангулы Бердымухамедов дуу зохиож дуулах, зэвсгийн эрдмээ гайхуулах, морь унаж уралдах, DJ хийх зэргээр үе үе авьяас чадвараа нийтэд үзүүлдэг уламжлалтай нэгэн юм.

588
  • Чеченьд айлчлах үеэр оросын ерөнхийлөгчийн хамгаалалт бүр сүртэй Үзсэн   2644 2015-01-09
  • Алдартнуудтай усны дусал мэт адилхан болдог авъяаслаг залуу Үзсэн   1463 2014-10-15
  • Кофе шопын айдас /Хөгжилтэй бичлэг/ Үзсэн   1865 2014-10-20
  • ЭЗЭНТЭЙГЭЭ ХАМТ ДАСГАЛ ХИЙДЭГ НОХОЙ Үзсэн   1478 2014-08-18
  • Амьтадын тэмцэл Үзсэн   1472 2014-11-26
  • Дөрвийн даваанд Г.Эрхэмбаяр аварга уначихаад яаж шогтсоныг хараач Үзсэн   2078 2015-07-17
  • Яг түүн шиг шоу Энхзол (Paith Hill) Үзсэн   1706 2016-06-06
  • Хамгийн өндөр барилгаас 558 хүн үсэрчээ (видео) Үзсэн   1500 2015-05-02
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.