Шилэн дансны тухай хууль хэрэгжихэд 14 хоног үлдлээ

Өнөөдөр төрийн ордны их танхимд "Шилэн дансны тухай хуулийн хэрэгжилт” зөвлөгөөн боллоо. Зөвлөгөөнөөр хууль хэрэгжихтэй холбоотой бэлтгэл ажлын хангалтын талаар холбогдох газруудаас нийтэд мэдээлэл өгсөн юм. Төр татвар төлөгчдийн мөнгийг хэрхэн зарцуулж байгааг энэхүү хуулиар зохицуулах бөгөөд иргэд олон нийтэд хянах эрхийг давхар өгч байгаагаараа үр дүнтэй хууль болно гэж харж банйа. Учир нь улсын эх орны нийтлэг эрх ашигт шууд хамаатай юм. Шилэн дансны тухай хууль 2014 оны 7 дугаар сарын 1-ний өдөр батлагдсан. Монголд шинэ олон өөрчлөлтүүдийг авчрах онцгой ач холбогдолтой хууль учраас хэрэгжүүлэх бэлтгэл ажлыг хангахад зориулж хагас жилийн хугацаа зарцуулжээ. Одоо Шилэн дансны тухай хууль хэрэгжиж эхлэхэд 14 хоног үлдлээ. Хуулинд заасан хугацаагаар хууль хэрэгжүүлэх субьектүүд 12 р сарын 25 наас "shilen dans.gov.mn” цахим хуудсанд мэдээллээ байрлуулж эхэлнэ. Хуулийн хүрээнд аудит 4 заалтын хүрээнд хяналь шалтгалт хийх үүрэг хүлээж байна. Үүнд мэдээллийн тогтолцоо иргэд олон нийтэд ойлгогдохоор ил тод байж чадах эсэхэд хяналт тавихаас гадна олон нийтийн анхаарал татсан эрсдэлтэй байж болох мэдээлэл, иргэдийн өргөдөл гомдлын дагуу аудит өөрийн санаачлагаар хуулийн хугацаанаас өмнө хяналт шалгалт хийх үүрэг хуулиар ноогдож байна. Шилэн дансны тухай хуулийн талаарх цахим санал асууга явуулахад 92,6 хувь нь дэмжихээ илэрхийлсэн байна. Энэ хуулийн хэрэгжилтийг хангах гол хүч бол иргэд байх юм. Монгол Улсын Ерөнхийлөгч хэлэхдээ Шилэн дансны иухай хууль нь гадныханы хуулийг хуулбарласан хэрэг огт биш үндэсний төрт ёсны уламжлалаа сэргээсэн хууль гэдгийг сануулж хууль цаашдаа улам чамбайран боловсронгүй болох ёстой гэсэн юм. Монгол Улс хариуцлагатай төр, авилаггүй улс болох арга мехианизмаа ийнхүү Шилэн дансны тухай хуулийн хэрэгжилтээр хангахаар зорьж байна.