Супер модель Мин Ши Victoria's Secret загварын шоуны тайзан дээр унав
Загварын ертөнцийнхний тэсэн ядан хүлээдэг Victoria’s Secret” шоу өчигдөр Шанхайн "Mercedes Benz Arena-д болж өнгөрсөн билээ. Энэ үеэр Хятадын алдарт модель Мин Ши тайзан дээр алхаж байх үедээ халтирч унасан байна. Цэцгийн дэлбээ мэт сахиусан тэнгэрийн далавч зүүсэн байсан түүнийг унахад толгой дээр нь далавч нь унаж ирсэн бөгөөд тэрээр хэнээс ч туслалцаа авалгүйгээр өөрөө боссон байна.
Түүний араас гарсан модель босч ирэхэд нь тусалж, өмнөө гарч алхахыг зөвшөөрөн гараараа дохиход үзэгчид түүнийг дэмжин алга ташжээ. Дэлхийн хэмжээний супер модель Victoria's Secret-ийн тайзан дээр унана гэдэг маш ичмээр хэрэг ч гэлээ тэрээр энэ байдлыг эвтэйхэн даваад гарчихсан байна.
