Дуучин Чулуунчимэг: Дэндүү хайртай

Зохиолын дууны ертөнцөд өөрсдийн гэсэн орон зайг бий болгож чамгүй амжилттай явж байсан хос дуучид болох Болд, Чулуунчимэг нар нэг л өдөр хоёр тийш болсон. Болд ангийн найз дуучин Мөнгөнцэцэгтэйгээ дэр нэгтгэн үрийн зулай үнэрлээд буй бөгөөд тэдний сүүлд гаргасан дуунууд олны анхаарлыг ихэд татах болов. Болд, Мөнгөнцэцэг нар "Хосын ятга" хэмээх дуугаа гарган өөрсдийнхөө хайр сэтгэлийг зарлан тунхаглаад байгаа бол дуучин Чулуунчимэг "Дэнүү хайртай" хэмээх дуугаа дүрсжүүлэн олны хүртээл болгожээ. Дууны клип дээр хагацаж буй хосуудын тухай гарах бөгөөд дууны үг, аялгуу олны сэтгэлийг ихэд шимшрүүлээд буй бололтой. "Магадгүй хүн төрөлхтний хамгийн их хүсэж байдаг там нь ХАЙР, Сэтгэлд нь хайр дэлгэрсэн ч бай эсвэл хагдарч гандсан ч бай хамаагүй хайрлах л утга учир биз...Шинэхэн уран бүтээлээ та бүхэндээ өргөн барьж байна" хэмээсэн тэрээр одоог хүртэл дуучин Болдыг хайрласан хэвээр байгаагаа тус дуугаараа дамжуулахыг хүсэв үү? эсвэл энэ зүгээр л уран бүтээл үү? гэдгийг олон нийт ялгаж салгахад тун ч бэрх байгаа аж.