”Авьяаслаг Монголчууд” шоунд хамгийн сонирхолтой бүжгийн тулаан болно

"Авьяаслаг Монголчууд" шоуны гуравдугаар улирлын дугаарын шилдэг оролцогчид өчигдөр тодорлоо. Шилдэг 32 оролцогчид дунд тун ч ширүүхэн өрсөлдөөн болох нь тодорхой болоод буй бөгөөд энэ удаад нэг баг болон хамтран зүтгэж, Монголын гудамжны бүжгийг шинэ төвшинд гаргаж байсан залуус өрсөлдөгчид болон хувирсан байх аж. Бүжигчин Төөгөө өөрийн "116" студийн бүжигчдийг тус шоунд сорьж буй бөгөөд тэд өөрсдийн орон зайн мэдрэмжийг гайхуулсан. Харин Төөгөөтэй хамтран зүтгэж байсан Баачка "Аймар" продакшны бүжигчдээ мөн тус шоунд бэлдэж оруулсан бөгөөд тэд эрч хүчийг үзэгчдэд бэлэглэв. Мөн бүжигчин Шижирээ дуу болон бүжгийн үзүүлбэрийг хослуулан тус шоунд оролцож буй бөгөөд тэд хамтран 2011 онд "Аймар" продакшнаа үүсгэн байгуулж байсан аж. Хоорондын үл ойлголцлын улмаас тэднийг тус тусын замыг хөөх болсон хэмээх яриа байдаг ч залуус өнөөг хүртэл дотно нөхөрлөсөн хэвээр байгаа аж. Тэд хэрэв бүгдээрээ шилдэг наймд шалгарч чадвал тэдний дунд ёстой л гал гарсан өрсөлдөөн болох нь дамжиггүй. Одооноос үзэгчдэд хүлээлт үүсч эхэлсэн бөгөөд тэд дараагийн удаад ямар бэлэгтэй ирэх бол? 

 Бүжигчин Төөгөөгийн "116" студийн бүжигчид: