|

“Хажуу дахь эрдэнэ” дээ, мөнгө өгөөрэй

 

Жижиг дунд үйлдвэрлэлийг дэмжих сангаас зээл авсан улс төрчдийн дуулиан тасрахгүй үргэлжилсээр байна. Тухайлбал, УИХ-ын гишүүн Б.Наранхүүгийн дүү Б.Одончимэг энэ сангаас 800 сая төгрөгийн зээл авчээ. Харин үүнийг нь төрийн түшээ ах, эгч хоёр нь мэдсэнгүй явж байсан байх юм.

 

УИХ-ын гишүүн Б.Саранчимэг дүүгийнхээ өмнөөс уучлалт гуйсан бол УИХ-ын гишүүн Б.Наранхүү дүүгийнхээ өрийг дарж дээр нь хоёр тэрбум төгрөг өгнө гэв. Үнэхээр л дүүдээ мөнгө өгч чадах л байсан юм бол яагаад ЖДҮХС-аас зээл авч, нэр алдраа цуурайтуулах хүртэл нь тоосонгүй вэ гэсэн сэтгүүлчийн асуултад Б.Наранхүү гишүүн "Айлаас эрэхээс авдраа ух гэгчээр хүн хажуудаа ямар эрдэнэ нуугдаж байгааг анзаардаггүй шүү дээ. Өөрийнхөө дүү болохоор чи чадах юм уу л гэж харсан. Хийж байгаа зүйлийг нь анхааралтай үзлээ. Ер нь тэгдэг шд. Дүүгээ болохоор байж бай гэчихээд шал танихгүй бөхөд тусламж үзүүлээд явдаг. Тийм болохоор хажуу дахиа анзаарч байх хэрэгтэй юм билээ” гэсэн хариултыг өгөв.

Дундговь аймгаас хоёр ч начин төрсөн байдаг. Тэдний мөнгийг буюу начины найрааны мөнгийг Б.Наранхүү гишүүн өгсөн гэж хүмүүс ярьдаг. Тэгэхээр дүүдээ мөнгө өгдөггүй хэрнээ начины найранд мөнгө харамгүй зардаг гэдгээ гишүүн өөрөө хүлээн зөвшөөрчихлөө.

Гэтэл гадаадад 12 жил сураад ирсэн эрдэнэ шиг дүү нь түүний хажууд бизнес хийчих гээд л явж байсан байна шүү дээ. Мундаг дүүтэй гэдгээ мэддэггүй "муу ах” байна даа. Мөн нэгэнт ийм сэдэв эхлүүлснийг эгчийнхээ улсаас авсан сургалтын төлбөрийг зээлийг ч бас төлчихвөл зүгээр болов уу. Тэгвэл ядаж муу ах ч гэсэн сайн дүү гэж дуудагдах ч юм билүү. Мөнгөтэй ах нарт хэлэхэд хажуу дахь эрдэнэ ээ анхаарч байгаарай.


712
  • Алаг мэлхий наадгайд хожсон хүн тэр жилдээ аз хийморьтой байна гэж үздэг Үзсэн   1156 2018-02-15
  • Оросын флотын хөлөг онгоц Адены буланд Сомалийн далайн дээрэмчдийн завийг устгаж байгаа нь Үзсэн   2017 2014-11-27
  • Танд ийм зүйл тохиолдвол яах вэ? Үзсэн   1201 2015-04-02
  • 2011 оны Японд болсон аймшигт цунами Үзсэн   1597 2015-06-23
  • Бейрут хотод ширүүн мөргөлдөөн болов Үзсэн   583 2019-12-16
  • Xтүц - Сүхбаатар Үзсэн   1187 2015-01-07
  • ВИДЕО: Дэлбэрэлтэд өртөж амиа алдсан жирэмсэн эхээс хүүхдийг нь эсэн мэнд эх барьж авчээ Үзсэн   818 2016-08-25
  • Бичлэг: Ж.Нарантунгалаг VS М.Гафуроф Үзсэн   899 2015-11-23
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.