Снүүп Дог: “Би өөрөө өөртөө талархмаар байна”
Рэппер Снүүп Дог өөрийн "Доггистайл” нэртэй цомгийн 25 жилийн ой болохоос хэдхэн хоногийн өмнө Холливудын Алдрын гудамжинд өөрийн гэсэн одтой болсон юм. Грэмми шагналыг 16 удаа хүртэж асан энэ эр "Алдарын од”-ыг олонд харуулах арга хэмжээний үеэр хэлсэн үгэндээ өөртөө итгэж байсандаа талархаж байна гэжээ.
"Би ганц өдрийг ч алдалгүй шаргуу хөдөлмөрлөсөн өөртөө баярламаар байна. Би замын дундаас буцаагүйдээ баярлаж байна. Өглөгч байсандаа, олсноосоо ихийг бусдад өгөхийг хичээж явсандаа баярлаж байна. Буруугаас илүү зөвийг хийхийг хичээдэгтээ өөртөө талархая. Би бүх цаг үед зөвхөн өөрөө өөртөө л талархмаар байна” хэмээн хип-хопын амьд домог болсон эр ярьжээ. Мөн Дог өөрт нь итгэсэн, тусалж дэмжсэн бүх хүмүүст талархлаа илэрхийлсэн байна.
Снүүп Дог буюу жинхэнэ нэр нь Кэлвин Броаду өдгөө 47 настай бөгөөд тэрбээр 1992 онд рэппер Др.Дретэй хамтарч "The Chronic” нэртэй цомог гаргаснаар алдар хүнд нь өсөж эхэлсэн юм. Тэр цагаас хойш түүний цомог дэлхий даяар 35 сая хувь борлогджээ. Тэрбээр мөн "Аймшгийн кино-5” (2013), "Дадлагын өдөр” (2001) зэрэг хэд хэдэн кинонд тоглоод авсан авьяастай нэгэн.
Түүний "Доггистайл” цомог 1993 оны 11-р сарын 23-нд худалдаанд гарсан бөгөөд Биллбоардын шилдэг 200-гийн нэгдүгээрт жагсаж, 2015 оны 11-р сар хүртэл дэлхий даяар нийт 11 сая хувь борлуулагдсан байна.
