Эмээ нарын рэп хамтлаг Их20-ын удирдагчдыг угтлаа

Японы Осака хотноо Их20-ын дээд хэмжээний уулзалт эхэлж байна.Хоёр өдөр үргэлжлэх уг уулзалтад оролцохоор АНУ, БНХАУ, ОХУ, Япон, Франц, Энэтхэг зэрэг улсын төр, засгийн тэргүүнүүд Осака хотноо хүрэлцэн очоод байна.

Дэлхийн удирдагчдад зориулж Осакагийн оршин суугчид өвөрмөц бэлэг бэлтгэсэн нь эмээ нарын рэп хамтлаг юм.Жараас дээш настнуудаас бүрдэх уг хамтлагийг Обачааан буюу эмээ нар гэж нэрлэдэг. Дээд хэмжээний уулзалтад зориулсан "Oba funk Osaka" хэмээх шинэ дуу нь Осакагийн иргэдийг дэлхийн хамгийн хөгжилтэй хүмүүс гэж нэрлэхэд хүргээд байгаа юм.Эмээ нар англи хэл мэдэхгүй тул шинэ дууныхаа үг бүрийг тааруулж үглэх хэцүү байсан хэмээн ярьжээ.

Анхандаа нөхөн сэргээх дасгал хөдөлгөөн хийхээр цуглаж байсан эмээ арай хөгжилтэй зүйл бодож олсон нь хамтлаг байгуулж эрч хүчтэйгээр амьдрах байлаа.Тэд анхны дуугаа таван жилийн өмнө гаргажээ.Олон улсад төдийлөн алдаршаагүй ч Осака хотын иргэдийн хувьд рэпчин эмээ нар туйлын хүндэтгэл хүлээдэг хүмүүс ажээ.